Athugasemdir við „Arkitektafélag Íslands“

Athugasemd við „Harpa vinnur Mies van der Rohe verðlaunin 2013.“ skrifar Helgi Hallgrímsson

Helgi Hallgrímsson — Tue, 07 May 2013 22:05:44 +0000

Til hamingju. Harpan er líka að mörgu leyti frábært hús að mínu mati og á þetta skilið.

Athugasemd við „Nýr Rammasamningur“ skrifar Hallmar

Hallmar — Tue, 07 May 2013 11:34:38 +0000

Meðal þess sem fram kemur í erindi Ríkiskaupa eru eftirfarandi spurningar:

All nokkrar athugasemdir bárust í fyrra útboði varðandi flokka útboðsins:
• Flokkur 1: Skipulagsáætlanir
• Flokkur 2: Byggingarmál
• Flokkur 3: Umferða- og gatnamál
• Flokkur 4: Umhverfismál
• Flokkur 5: Veitur
Hver er tillaga seljenda að skipta þessum flokkum upp?

Hvernig meta aðilar rammasamnings ISO vottun eða sambærilega vottun? Eru verðmæti, að mati seljenda, í vottuðu gæðastjórnunarkerfi?

Athugasemdir komu í fyrra útboði hvernig reynsla, þekking, stjórnunarhæfni og sjálfstæði væri skýrt í gögnum og hvernig bjóðendur flokkuðu sig í A, B, og C flokk.
Hver er tillaga seljenda að skipta þessum flokkum upp?

Ef verið er að velja hæfustu aðilina á markaðnum í rammasamning fyrir ofangreinda þjónustu, hverjar ættu valforsendur að vera að verði undanskildu?

Og gangvart örútboðum:
Ríkar kröfur eru settar á kaupendur í nýju rammasamningsformi á að fara í örútboð innan rammasamnings með kaup á ofangreindri þjónustu. Taka skal fram í útboðsgögnum hvaða ríkari kröfur kaupendur geti sett á bjóðendur í örútboðum innan rammasamnings. Ríkiskaup óska eftir tillögum frá fagaðilum hvaða forsendur það gæti verið.
Dæmi um forsendur:
• Verð
• Þjónusta (Hverskonar þjónusta?)
• Gæði (Skilgreina gæði á þjónustunni? Vottanir – vottaðir gæðaferlar)
• Umhverfisskilyrði
• Menntun – reynsla sérfræðinga

Framangreindar eru helstu spurningar sem vakna út frá þeim athugasemdum sem Ríkiskaupum hafa borist en þær eru þó ábyggilega ekki á nokkurn hátt tæmandi.

Athugasemd við „Hönnun og húsamein – námskeið / skráningarfrestur til 15. maí“ skrifar Örnólfur Hall

Örnólfur Hall — Wed, 01 May 2013 15:40:11 +0000

Mér sýnist að þetta verði magnað og fræðandi námsskeið. — Margur hefur hlotið andleg og líkamleg mein vegna húsameina. Má nefna hugarkvöl, svefnleysi, fjárhags-áhyggjur vegna fúsks, svo ekki sé talað um allskonar líkamlega hættulegar óværur og mein.

NB: Slík námsskeið ætti að halda sem oftast og nú er gott að eiga Dr.Ævar að !!

Athugasemd við „Harpa vinnur Mies van der Rohe verðlaunin 2013.“ skrifar Örnólfur Hall

Örnólfur Hall — Wed, 01 May 2013 15:10:41 +0000

Að ofanrituðu segi ég með blendnum huga: Til hamingju!

Annars finnst mér kominn tími til að MIES van der ROHE fái að HVÍLA í FRIÐI!

Athugasemd við „Harpa vinnur Mies van der Rohe verðlaunin 2013.“ skrifar Örnólfur Hall

Örnólfur Hall — Wed, 01 May 2013 14:50:31 +0000

FRÉTT á RÚV: -”HARPA hlýtur verðlaun fyrir byggingarlist”-

— Það er ekki til sóma fyrir HLT og Batteríið arkitekta að Att Arkitekta er ekki getið sem meðhöfunda, eins og oftsinnis áður. – Samstarf þessarra gömlu skólafélaga stóð óslitið fram yfir hrun eða þangað til Batteríið fékk nýtt nafn og kennitölu (Batteríið arkitektar). – Það hefur verið mikill missir fyrir verkefnið að Att Arkitektar náðu ekki að setja mark sitt frekar á lokafrágang og áferð byggingarinnar.

— Sjá grein Tryggva um samstarf félaganna á hönnunartímanum á bloggi Hilmars frá maí 2013.

http://blog.pressan.is/arkitektur/2012/05/14/harpa-eins-ars/

Athugasemd við „Harpa vinnur Mies van der Rohe verðlaunin 2013.“ skrifar Magnus G. Bjornsson

Magnus G. Bjornsson — Wed, 01 May 2013 00:24:28 +0000

Til hamingju med thennan storkostlega arangur.

Athugasemd við „Harpa vinnur Mies van der Rohe verðlaunin 2013.“ skrifar Hallmar

Hallmar — Tue, 30 Apr 2013 10:33:31 +0000

Af heilum hug óska ég íslenskum og dönsku arkitektum til hamingju með þessi virtu verðlaun. Það er okkur leikum og lærðum sem unnum góðri byggingarlist hér á landi mikið fagnaðarefni að bygging á Íslandi skuli með þessum hætti fanga athygli umheimsins.
Hip, hip, húrra!

Athugasemd við „Harpa vinnur Mies van der Rohe verðlaunin 2013.“ skrifar Sigríður Sigþórsdóttir

Sigríður Sigþórsdóttir — Tue, 30 Apr 2013 10:32:27 +0000

Til hamingju með þennan glæsilega árangur, sem mun án efa hvetja okkur öll til dáða; arkitekta jafnt sem aðra í byggingariðnaði; og ekki sýst byggendur.Við hér á Basalt samgleðjumst innilega….

Athugasemd við „Harpa vinnur Mies van der Rohe verðlaunin 2013.“ skrifar Dennis Davíð

Dennis Davíð — Tue, 30 Apr 2013 09:41:46 +0000

Arkitektar Hjördís & Dennis óska öllum þeim, sem að þessu mannvirki hafa komið, til hamingju með verðlaunin. Þau eru ekki aðeins viðurkenning fyrir vel unnið verk höfunda þess en jafnframt hvatning til íslenskra arkitekta á erfiðum tímum.

Athugasemd við „Harpa vinnur Mies van der Rohe verðlaunin 2013.“ skrifar Hilmar Þór

Hilmar Þór — Mon, 29 Apr 2013 20:37:17 +0000

Ég óska öllum kollegum sem að þessu hafa komið til hamingju með vegsemdina. Það er ekki leiðinlegt að svo lofað mannvirki skuli finnast hér á landi. Það kemur fram í fréttum í DK að þetta er í fyrsta sinn sem dönsk stofa kemur að verki sem hlotið hefur þessi merkilegu verðlaun. Annars fór ég hér á vef AÍ til að lesa allar hamingjuáoskirnar frá kollegunum til handa þeirra íslensku arkitekta sem að verki komu. En mér til mikillar furðu var engin hamingjuásk komin og er þetta því sú fyrsta. Hvernig svo sem stendur á því! En AÍ samgleðst.

Ég endurtek: Til hamingju.