Framkvæmdasýsla ríkisins, f.h. forsætisráðuneytisins, býður til opinnar hugmyndasamkeppni um skipulag Stjórnarráðsreits.

Setja skal fram raunhæfar og spennandi tillögur um heildarlausn á skipulagi á reitnum þannig að byggja megi upp á heildstæðan hátt framtíðarhúsnæði ráðuneyta, stofnana ríkisins og dómstóla meðal annars með hagræðingu í huga.

Tvö fyrirspurnartímabil eru í samkeppninni og lýkur því fyrra 9. maí 2018 en því síðara 16. ágúst 2018. Skilafrestur tillagna er 18. september 2018, fyrir kl. 15:00 hjá Ríkiskaupum.
Veitt verða  verðlaun að heildarfjárhæð 12 m.kr.  þar af verða fyrstu verðlaun að lágmarki 6 m.kr.

Samkeppnin fer fram í samvinnu við Arkitektafélag Íslands og er auglýst á EES-svæðinu.
Nánari upplýsingar er að finna í samkeppnislýsingu sem verður aðgengileg á vef Ríkiskaupa, www.rikiskaup.is , útboðsnúmer 20683, frá og með þriðjudeginum 10. apríl 2018.  Til að nálgast ítargögn verður að skrá sig til þátttöku á vefnum en gögn verða einnig fáanleg á minniskubbi, gegn framvísun staðfestingar hjá Ríkiskaupum, Borgartúni 7c, 105 Reykjavík. Skrifstofa Ríkiskaupa er opin virka daga frá kl. 9:00 – 15:30.