Áskorun

Kæru arkitektar og arkitektastofur. 

Nú eru níu dagar í opnun HönnunarMarsins 2011 og við öll að vinna að því að gera þetta sem allra best.  10 stofur og hópar eru að vinna að efni fyrir sýningu AÍ, sem ber nafnið Ferlið – frá hugmynd til fullmótaðs verks.

 Í ár verðum FÉLAGIÐ (AÍ, Fhi og FÍLA)  með sýningar að Grandagarði 16.  Öll vinna að sýningunum er gefin af félögum og öllu verði stillt í hóf. Um er að ræða sýninguna 10+ sem er húsgagnasýning, sýninguna Snortið landslag sem landslagsarkitektar standa fyrir og sýningin Ferlið á vegum arkitekta.  Búið verður til stefnumót milli framleiðenda og hönnuða auk þess sem fyrirlestrar verða haldnir um nokkur áhugaverð verkefni.

 Nú biðlum við til arkitekta og arkitektastofa sem sjá sér fært að styrkja sýninguna Ferlið sérstaklega að leggja okkur lið.

Þær styrktarleiðir sem um ræðir eru:

 Logo fyrirtækis í kynningarefni                 15.000 – 25.000 (eða önnur upphæð)

Styrktarlína í kynningarefni                       5.000 – 10.000

Verð eru án virðisauka (vsk bætist ekki á styrktarlínu)

 Hægt er að leggja beint inn á reikning Arkitektafélags Íslands.

Reikningur 515-26-4201, kt. 420169-0949.

Ef um logo er að ræða, sendið það til mín í góðri upplausn 300 dpi og við setjum það í bækling.

Að auki viljum við koma á framfæri beiðni um hjálp við þrif í húsnæðinu.  Ef einhver sér sér fært að mæta að Grandagarði 16 með sóp og/eða gúmmíhanska þá verðum við þar næstu kvöld og alla næstu helgi.  Þeir sem sjá sér fært að hjálpa okkur e.t.v. með vinnu á barnum eða yfirsetu yfir sýningum mega einnig koma því á framfæri til mín.

Með fyrirfram þökkum fyrir hönd

dagskrárnefndar Arkitektafélags Íslands, 

Una Eydís Finnsdóttir, arkitekt FAÍ

Enn hefur enginn viðrað skoðun sína á þessu málefni, þú getur hafið umræðuna?

Deilið athugasemd

Arkitektafélag Íslands / Aðalstræti 2. 2.hæð / 101 Reykjavík  / +354 780 2228  / ai@ai.is / Pósthólf 590 – 121 Reykjavík
Skrifstofa Arkitektafélags Íslands er opin mánudaga til föstudaga milli kl. 9:00 og 13:00