Miðgarður 111R

Laugardaginn 26. mars klukkan 16:00 – 16:45 á Grandagarði 16, fyrirlestur:

Ástríður Magnúsdóttir og Gunnar Sigurðsson arkitektar FAÍ segja frá ferlinu og kynna verkefnið Miðgarður 111R

Verkefnið felst í að endurhanna stíg og útisvæði sem liggur í gegnum þvert Fellahverfi frá austri til vesturs. Stígurinn er 680 metra langur og er áherslusvæðið 430 metra kafli á milli verlsunarkjarna Eddufells og framhjá leikskólanum Ösp. Stígurinn er aðal umferðaræð gangandi og hjólandi vegfarenda í hverfinu.

Haustið 2010 unnu Skyggni Frábært arkitektar greiningar og hugmyndavinnu með nemendum í Fellaskóla fyrir stíginn. Markmið hugmyndasmiðjunnar var tvíþætt:

– Að efla umhverfismeðvitund nemenda með þeirri samfélagsþátttöku sem þetta verkefni einkennist af.

– Að læra af notendum svæðisins og nýta þá vitneskju í hönnunarfasanum.

Markmiðið verkefnisins er að bæta samgönguæð hverfisins og gera hana vistlegri; að hanna umverfi sem býður upp á útiveru og samneyti. Áætlað er að framkvæma fyrsta áfangann á vormánuðum 2011.

Verkefnið er eitt af þeim fjölmörgu áhugaverðu verkefnum sem hægt er að skoða alla helgina á hinni lifandi arkitektamiðstöð sem FÉLGIÐ hefur komið  upp í útgerðarskemmu vestur á Granda sem lið í HönnunarMarsi 2011.

Enn hefur enginn viðrað skoðun sína á þessu málefni, þú getur hafið umræðuna?

Deilið athugasemd

Arkitektafélag Íslands / Aðalstræti 2. 2.hæð / 101 Reykjavík  / +354 780 2228  / ai@ai.is / Pósthólf 590 – 121 Reykjavík
Skrifstofa Arkitektafélags Íslands er opin mánudaga til föstudaga milli kl. 9:00 og 13:00