ENN  úr  HÖRPU”æfintýrum”

Arkitekt  og  skattgreiðandi  gerir  athugasemdir  við  Hörpu-framkvæmdir  :

1)   Yfirmálaða  ryðið  og  raka í  rúðum:

Ryðið sem málað var yfir fyrir glerjun  og sjáanlegt nýtt ryð sem birtist inni sem fékk  s vo sömu meðhöndlun fyrir vígslu.  Rúður  sem  voru farnar að  fá á sig raka (rakamóðu) fyrir vígsluna en hönnunarstjóri  sagði að það myndi ekki  gerast (í RÚV 13.maí).  Reynslan kennir okkur að rakinn lekur  svo ofan í  gluggapóstana  (stálið málaða  sem  ryðgar síðan).  Það er gömul  saga og ný.

2)  Ryðtaumar sem leka nú úr norðurhlið  Hörpu.

3)   Klúðurs- og klasturslegar  samsetningar  á hornum veggja :
Klastur og klúður í samsetningu  eru í  hornum  veggja.  Það  er eins og verkfræðiteikningarnar 8000 “heimsfrægu”  hafi ekki gengið alltaf upp.  Ótrúlegt er að sjá  hvernig  veggeiningarnar (á hornum) eru skeyttar saman  og raðast að hverri annarri  og hvernig  póstar, sem  lenda  í mismunandi hæðum,  eru  skeyttir  saman  með  misstórum stálplötum.  Lóðréttir og láréttir póstar hornpóstar  passa ekki sumstaðar saman og þá er klastrað.
4)  Ófagrar  málmsuður og víða gróft og yrjótt  yfirborð  pósta:

Subbulegar, klasturslegar  og tjasllegar málmsuður  sjást  í  t.d.  kverkum  veggeininga  og  handriðum  t.d. handriði aðalstiga.*
4)  Ófagra  mislagða flísalögnin á  jarðhæð.  Þegar birtan fellur inn á gólfið sjást allar misfellurnar.  Hellulögn sem  er óhrjáleg  við húsið (tilhöggnar hellur skaga víða upp úr og  víða eru  útfellingar).  Sjá  má sigarettustubba fylltar  klaufalega  misbreiðar  fúgur við húsið.  Lóðarútfærsla  sem  er mjög  tötraleg  yfirlitum.  Þetta  er til háðungar  fyrir “húsið OKKAR” sem var byggt fyrir okkur  að okkur forspurðum.
5)  Á dögunum benti mér þýskur verktaki (á Íslandsferð ) og  sem þekkir vel til sílíkón-þéttinga,  að þéttingarnar  milli glerjanna í Hörpuhjúp  væru  víða  misjafnar á breiddina (of mjóar eða of breiðar) og  misdjúpar,  holóttar, bólóttar,  með  hökum og  misfellum  sem þýddi að vatn gæti átt  þar greiðan  aðgang inn að stálinu.  Hann taldi að  víða þyrfti að fara yfir þetta  aftur.

*Minna má á að íslenskir  málmsuðumenn , sem  hafa fengið verðlaun erlendis fyrir frábæra málmsuðu,  fengu alls  ekki  að koma  að verkinu.  Forsvarsmönnum  málmtæknimanna sem fengu mig til að líta á vinnuna  með  sér var ekki skemmt.

NB:   Ég er með fjölda  mynda  af  ryðinu yfirmálaða (nýju og eldra),  klasturslegu  málmsuðunum  og víða  misjöfnu  sílíkonfúgu-þéttingunum  ef  lesendur óska  (Ekki er hægt að sýna nema 3 myndir á vefnum með greinum).

NB:  Ég skora á kollegana að fara og skoða ofangreind atriði og sannreyna hvort þeir yrðu ánægðir með  þetta  sem  arkitektar.

Með bestu kveðjum –Örnólfur