(27.02.2013/Mynd af forsíðu blaðsins) Um þessar mundir er margt áhugavert efni í deiglunni þegar kemur að efnistökum fagtímarits okkar, Arkitektúr. Til dæmis hafa fjölmargar samkeppnir farið fram. Því er áhugavert að varpa ljósi á þá reynslu sem hlotist hefur af samkeppnum, til að mynda hvað snertir form og fyrirkomulag á samkeppnum, samkeppnislýsingar, kröfur um efni fyrir skil, dómnefndarstörf og annað sem draga má lærdóm af.

Ennfremur teljum við brýnt að taka fyrir efni sem snertir arkitektúr, heilsu og borgarskipulag í víðum skilningi í ljósi þeirrar umræðu sem verið hefur í brennidepli í þjóðfélaginu að undanförnu. Má þar nefna áform um byggingu Landspítalans og yfirstandandi vinna Reykjavíkurborgar við endurskoðun aðalskipulags.

 

Því hvetjum við félagsmenn AÍ og FÍLA til að senda okkur ábendingu að efnistökum, hvort sem það er sjónarhorn á málefni líðandi stundar eða annað efni sem er félagsmönnum hugleikið.

 

Um leið viljum auglýsa eftir duglegu fólki til að ganga til liðs við ritnefnd. Töluvert mikil vinna liggur að baki blaðaútgáfu en sú vinna er bæði gefandi og skemmtileg.

 

Viljum við því hvetja fólk til þátttöku svo fagblað okkar, Arkitektúr, verði blað sem styrkir fagvitund okkar um leið og það sendir út jákvæða, róttæka og ferska orku út í íslenskt samfélag.

 

Áhugasamir geta sent ritstjórn tölvupóst á póstfangið ritnefnd@ai.is.

 

Bestu kveðjur,

 

ritstjórn AÍ og FÍLA.