vonarstraeti

(11. júní 2014 – Hönnunarmiðstöð)

Hönnunarmiðstöð Íslands óskar eftir að ráða snilldar penna, hugmyndaríkan og framsækin einstakling í starf ritstjóra. Ritstjóri mun leiða nýtt blað um hönnun og arkitektúr sem gefið verður út tvisvar á ári. Um er að ræða hálft starf í Hönnunarmiðstöð. Ritstjóri heldur utan um og ber ábyrgð á útgáfu blaðsins í samstarfi við 3 manna ritstjórn. 

Verkefni ritstjóra eru ma.:

Ritstjórn blaðsins
Efnisöflun og skrif
Samskipti við hönnuði, ljósmyndara og prentsmiðju
Markaðs- og kynningarmál

Menntunar- og hæfniskröfur:

Háskólamenntun sem nýtist í starfinu
Góð þekking á hönnun og umhverfi hönnuða hvoru tveggja á Íslandi og erlendis
Góð íslenskukunnátta skilyrði sem og mikil færni í textaskrifum
Góð enskukunnátta og kunnátta í norðurlandamáli
Þekking á vefumhverfi og samfélagsmiðlum, tölvu og tæknilæsi
Sjálfstæði í vinnubrögðum og mikill áhugi á starfinu

Umsóknum eiga að fylgja starfsferilskrár og kynningarbréf þar sem gerð er grein fyrir ástæðu umsóknar og rökstuðningi fyrir hæfni viðkomandi í starfið. Starfsmaður hefur störf eins fljótt og kostur er.

Umsækjendur eru vinsamlegast beðnir að senda umsóknir á halla@honnunarmidstod.is. Umsóknarfrestur er til og með 22. júní 2014.