Útgáfukynning í Hannesarholti í dag

hannersarholt 2

(30. október 2014 – VIÐBURÐIR/ÚTGÁFUMÁL)

Lífleg útgáfa um arkitektúr og skipulag

útgáfukynning í Hannesarholti

miðvikudaginn 5. nóvember kl. 16 – 18.

Það er bæði ánægjulegt og óvenjulegt í senn hvað nú virðist hlaupinn mikill vöxtur í útgáfustarfsemi tengda arktitektúr og skipulagsmálum. Nú bregður svo við að út kemur mikill fjöldi bóka um þessi mikilvægu mál. Margar eru þær glæsilegar og mikilvægt framlag til sögu íslenskrar byggingarlistar og skipulags. Fram að þessu hefur hver ein bók í þessum málaflokki þótt sérstökum tíðindum sæta og oft líður langur tími milli þess að út komi slíkar bækur.

Af þessu ánægjulega tilefni gengst Arkitektafélag Íslands fyrir sérstakri útgáfukynningu í Hannesarholti, Grundarstíg 10 í Reykjavík miðvikudaginn 5. nóvember kl. 16 – 18,  þar sem nokkrir höfundar og útgefendur kynna verk sín á þessu sviði og boðið verður upp á léttar veitingar.

Nýlega hafa komið út eða eru í vændum eftirtaldar bækur og rit:

–       FYRSTI ARKITEKTINN – RÖGVALDUR ÓLAFSSON OG VERK HANS. Björn G. Björnsson er höfundur og útgefandinn Salka ehf.

–       SCARCITY IN EXCESS – THE BUILT ENVIRONMENT AND THE ECONOMIC CRISIS IN ICELAND („Hörgull í allsnægtum – Hið byggða umhverfi og hrunið á Íslandi“). Apríl arkítektar áttu hugmynd að bókinni og Arna Mathiesen er aðal ritstjóri. Liðlega 70 manns eiga efni í bókinni.

–       Væntanleg er BÓK UM HÍBÝLAFRÆÐINGIN KRISTÍNU GUÐMUNDSDÓTTUR, höfundur er Halldóru Arnardóttur.

–       Á árinu kom út RITRÖÐ VISTMENNTAR og Arkitektafélags Íslands UM VISTVÆNAR ÁHERSLUR Í BYGGÐU UMHVERFI (3 rit hafa þegar komið út og eitt til viðbótar er væntanlegt)

–       Út er komin bókin GUNNLAUGUR HALLDÓRSSON ARKITEKT eftir Pétur H. Ármannsson. Hið íslenska bókmenntafélag gefur bókina út.

–       Bókin BORGIR OG BORGARSKIPULAG kom út nú nýverið. Höfundur bókarinnar er Dr. Bjarni Reynarsson og Skrudda er útgefandinn.

–       Í ár kemur 23. bindi af KIRKJUR ÍSLANDS og er þetta bindi helgað friðuðum kirkjum í Skaftafellsprófastsdæmi. Um ritstjórn sá Þorsteinn Gunnarsson og Jón Torfason, útgefandi Hið íslenska bókmenntafélag.

–       Á árinu kom út sænsk bók um PÁLMAR KRISTMUNDSSON, ARKITEKT. Arvinius & Orfeus eru útgefendur og um ritjórn sáu Julie Cirelli og Daniel Golling.

–       Sérstaklega hefur verið vandað til útgáfu á AÐALSKIPULAG REYKJAVÍKUR 2010 – 2030. Haraldur Sigurðsson o.fl. eru höfundar, og útgefandi Crymogea.

–       Þann 5. nóvember kemur út bókin REYKJAVÍK SEM EKKI VARÐ eftir Önnu Dröfn Ágústsdóttur og Guðna Valberg, útgefandi er Crymogea.

Stutt er síðan út komu 5. og 6. bindi af EYÐIBÝLI Á ÍSLANDI – RANNSÓKN Á EYÐIBÝLUM OG YFIRGEFNUM HÚSUM eftir Sigbjörn Kjartansson og Gísla Sverri Árnason sem Eyðibýli – áhugamannafélag gefur út.

–       Hönnunarmiðstöð Íslands er að hleypa af stokkunum nýju vönduðu tímariti um hönnun og arkitektúr. Ritstjóri blaðsins er Arnar Fells.

 

Enn hefur enginn viðrað skoðun sína á þessu málefni, þú getur hafið umræðuna?

Deilið athugasemd

Arkitektafélag Íslands / Aðalstræti 2. 2.hæð / 101 Reykjavík  / +354 780 2228  / ai@ai.is / Pósthólf 590 – 121 Reykjavík
Skrifstofa Arkitektafélags Íslands er opin mánudaga til föstudaga milli kl. 9:00 og 13:00