Nú er orðið tímabært að huga í alvöru að þátttöku í Hönnunarmars 2015

HönnunarMars fer fram í sjöunda sinn dagana 12. – 15. mars 2015.

Á HönnunarMars er hönnun kynnt sem atvinnugrein sem byggir á traustum grunni og gegnir veigamiklu hlutverki í samtímanum. Um 100 viðburðir eru á dagskrá hátíðarinnar ár hvert. Þar á meðal voru sýningar, fyrirlestrar, uppákomur og innsetningar. Á HönnunarMars sameinast allar greinar hönnunar; fatahönnun, arkitektúr, húsgagna- og innanhússhönnun, grafísk hönnun og vöruhönnun.

Viðburðir hátíðarinnar eru skipulagðir af íslenskum hönnuðum og arktitektum, en þátttakendur hátíðarinnar telja um 400 ár hvert. Aukinn fjöldi erlendra þátttakenda kemur til landsins með hverju ári og tekur þátt í HönnunarMars.

Arkitektar eru þegar byrjaðir að huga að sinni þátttöku. Hildur Steinþórsdóttir verður verkefnisstjóri AÍ.  Fram hefur komið sú hugmynd að AÍ starfræki meðal annars bókakaffi með fróðlegum uppákomum meðan á hátíðinni stendur og er þegar farið að svipast um eftir spennandi húsnæði. Ábendingar vel þegnar.hus_fb

Á HönnunarMars býðst tækifæri til að auðga andann og sækja innblástur. Hátíðin er orðin mikilvægt hreyfiafl í íslensku samfélagi og er viðskiptalegt vægi hátíðarinnar mjög mikið fyrir þátttakendur.