Skúlagata_21

(12. desember 2014 – FRÁ FRAMKVÆMDASTJÓRA)

Rétt er að það komi fram að stjórn AÍ og laganefnd félagsins ákváðu á fundi sínum 4. desember s.l. að leita til lögfræðings til að fá álit á því hvort löggjafinn sé með kröfu um gæðakerfi í lagasetningu og framkvæmdavaldið hafi með útfærslu á henni í reglugerð svipt menn áður fengnum réttindum sínum með ólögmætum eða óeðlilegum hætti. Erindið hefur verið reifað við lögmann og laganefnd er að taka saman gögn varðandi málið.

Ljóst er að starfsmenn Mannvirkjastofnunar og skoðunarstofur munu eiga fullt í fangi með að skoða þau gæðakerfi sem þeim berast nú á næstunni og reikna má með að nokkur dráttur verði á afgreiðslu af þeim sökum. Einnig skal á það minnt að þeir sem ekki hafa hugsað sér að leggja inn ný verk strax á nýju ári geta beðið með að koma sér upp gæðakerfi og að fá það samþykkt fram að því að það gerist. Stjórn ákvað á fundi sínum í gær að efna til „vinnustofu“ fljótlega í janúar til að aðstoða þá sem vilja koma sér upp einföldu gæðakerfi að lágmarkskröfum MVS – nánar auglýst síðar.

Formaður AÍ og framkvæmdastjóri áttu í gær, fimmtudaginn 12. desember fund með starfsmönnum Mannvirkjastofnunar og forstjóra vegna kvartana nokkurra félaga á því að á lista stofnunarinnar yfir löggilta hönnuði skuli ekki vera að finna þá aðila sem fengið höfðu réttindi sín fyrir 1979. Óskað var eftir að brugðist yrði fljótt við og á þessu gerðar viðunandi breytingar. MVS óskaði eftir því að skrifstofa félagsins aflaði upplýsinga um hverja væri að ræða og mun félagið leggja fram lista yfir þá félaga sína sem fengu réttindi til að starfa sem löggiltir hönnuðir fyrir 1979 og óska formlega eftir því um leið að þeim verði bætt inn á lista stofnunarinnar.