borgartc3ban-6

(20. janúar 2015 – FÉLAGSMÁL)

Undirbúningur vegna kjarakönnunar BHM 2015 er í fullum gangi. Könnunin verður nú send út þriðja árið í röð.  Þátttaka og svörun er mjög mikilvæg til að efla bandalagið og aðildarfélög þess í aðdraganda kjarasamninga. Kjarakönnunin 2015 verður að þessu sinni fjármögnuð beint af BHM en ekki aðildarfélögunum sjáfum. Þó er athygli vakin á því að einstökum aðildarfélögum er velkomið að kaupa viðbótarspurningar við könnunina, líkt og fyrri ár.

Hvert ár inniheldur könnunin spurningar um árslaun auk spurninga um stöðu á vinnumarkaði. Rétt er að ítreka að BHM safnar niðurstöðunum saman á hverju ári og um þessar mundir er unnið að gagnvirku gagnagrunnskerfi sem ætlað verður bæði starfsfólki aðildarfélaga og félagsmönnum beint. Með því mun gefast kostur á því að leita í kjarakönnuninni aftur í tímann og hver og einn félagsmaður getur borið sína stöðu saman við niðurstöður könnunarinnar. Slíkt getur til að mynda gagnast við undirbúning fyrir launaviðtal og við mat á stöðu hvers og eins félagsmanns á vinnumarkaði. Því betur sem félagsmenn svara könnuninni því betra tól verður hún fyrir þá til að nota sjálfir.

Til viðbótar þessum spurningum hefur verið spurt ýmissa annarra spurninga, t.d. um laun í einstökum mánuði eða viðhorfsspurninga. Könnunin hefur hlotið nokkra gagnrýni fyrir að vera þung og tímafrek í svörun. Við þeirri gagnrýni vill kjara- og réttindanefnd BHM nú bregðast og leggur til að aðeins verði spurt nauðsynlegustu spurninga til að tryggja tölfræðilega samfeldni. Þannig verði könnunin í ár kynnt sem stutt og létt að svara!

Meðfylgjandi er listi yfir spurningarnar í fyrra þar sem sýnt er hvað fer út og hvað verður inni. Aðildarfélögum BHM er hér með gefinn kostur á því að koma skoðunum sínum varðandi spurningarnar á framfæri við verkefnastjóra kjara- og réttindanefndar. Allar ábendingar um nýjar spurningar eru vel þegnar um leið og það er áréttað að könnunin verði stutt í ár. Ágætt gæti verið að hafa kjarakönnunina frá því í fyrra við höndina þegar þetta er skoðað.

Sp1. Staða á vinnumarkaði
Sp2. Starfsheiti
Sp3. Starfsánægja
Sp4. Ánægja með laun
Sp5. Þjónusta félags [fellur niður í ár, hvert félag getur bætt við sinni eigin]
Sp6. Þjónusta félags [fellur niður í ár, hvert félag getur bætt við sinni eigin]
Sp7 Námsleyfi [fellur niður í ár]
Sp8. Menntun
Sp9. Útskriftarár
Sp10. Laun á árinu 2014
Sp11. Staða á vinnumarkaði
Sp12. Fjöldi mánaða í aðalstarfi
Sp13. Sama starfshlutfall árið 2014
Sp14. Starfshlutfall 2014
SP15. Launasamsetning 2014
Sp16. Skipting ársgreiðslna
Sp17. Skipting árstekna
Sp18. Vinnutímar á viku árið 2014
Sp19. Ákvörðun um stafshlutfall [fellur niður í ár]
Sp20. Ánægja með starfshlutfall [fellur niður í ár]
Sp21. Yfirvinna
Sp22. Aðalvinnuveitandi í dag
Sp23. Aðalvinnuveitandi 2014
Sp24. Sama starf
Sp25. Undirmenn
Sp26. Fjöldi undirmanna
Sp27. Fjárhagsleg ábyrgð
Sp28. til Sp.39 Viðhorfsspurningar [fellur niður í ár]