Varðveisla og sýningarhald

tjodminjasafn-1

Varðveisla og sýningarhald

Námskeið um umhverfisskilyrði og efnisval fyrir sýningargerð.

Sýningargerð er þverfagleg þar sem koma saman sérfræðingar með ólíkan bakgrunn, svo sem sýningastjórar, safnverðir, listamenn, forverðir, hönnuðir, arkitektar og tæknimen. Markmið námskeiðsins er að skapa vettvang þar sem þessir sérfræðingar læra um þau atriði sem mestu skipta varðandi öryggi og langtímavarðveislu safngripa þegar kemur að sýningarhönnun, efnisvali og uppsetningu.

Félag forvarða á Íslandi (NKF-IS) og Þjóðminjasafn Íslands standa fyrir einstöku námskeiði fyrir fagmenn sem vinna við sýningagerð og með safngripi. Félagið hefur fengið til liðs við sig erlendan sérfræðing, Jean Tetreault* sem er einn helsti sérfræðingur á sviði efnisvals og umhverfisskilyrða og áhrif þeirra á safngripi. Hann starfar fyrir CCI (Canadian Conservation Institute) sem hefur verið leiðandi á sviði fyrirbyggjandi forvörslu í heiminum.

Þetta er einstakt tækifæri til þess að fræðast um nýjustu rannsóknir á þessu sviði. Námskeiðið er sérsniðið að óskum NKF og þannig framsett að það henti ólíkum hópi fagmanna. Slíkt námskeið hefur ekki verið í boði áður hér á landi og hvetjum við þá fagmenn sem vinna við sýningagerð og með safngripi að skrá sig hið fyrsta því sætafjöldinn er takmarkaður.

Lögð verður áhersla á að hafa nemendahópinn blandaðan úr ólíkum fagstéttum.

Þátttakendur fá sérstakt viðurkenningarskjal að námskeiðinu loknu.

Dagsetning: 14. og 15. september 2015 Tími: 8:30 – 16:00
Tímafjöldi: 15 tímar
Námskeiðið fer fram á Þjóðminjasafni Íslands Takmarkaður fjöldi

Tungumál: enska
Verð: kr.24.000
Innifalið í verði: námskeiðsgögn, hádegismatur báða dagana og kaffi. Skráning : Senda póst á nkf.island@gmail.com fyrir 15. Júlí 2015 Nafn (kennitala), fyrirtæki , greiðandi (kennitala), netfang.

Enn hefur enginn viðrað skoðun sína á þessu málefni, þú getur hafið umræðuna?

Deilið athugasemd

Arkitektafélag Íslands / Aðalstræti 2. 2.hæð / 101 Reykjavík  / +354 780 2228  / ai@ai.is / Pósthólf 590 – 121 Reykjavík
Skrifstofa Arkitektafélags Íslands er opin mánudaga til föstudaga milli kl. 9:00 og 13:00