KRISTÍNARBÓK

Kristín Guðmundsdóttir híbýlafræðingur / Interior designer

Kristínarbók

ÚTGÁFA / FYRIRLESTUR

Væntanleg í bókabúðir er glæsileg bók um Kristínu Guðmundsdóttur, okkar fyrsti háskólamenntaði innanhússarkitekt. Hér gefur í fyrsta sinn að líta vandað yfirlit yfir verk Kristínar.

Kristín Guðmundsdóttir (f.1923) híbýlafræðingur er frumkvöðull á sínu sviði. Hún kom heim úr námi frá Bandaríkjunum árið 1947 og átti frumkvæði að nýjungum í hagræðingu innanhúss og hönnun eldhúsinnréttinga, notkun heimilistækja og litasamsetninga. Þær breytingar voru fyrirboði um nýja lífshætti landsmanna sem Kristín styrkti ekki aðeins í hönnun heldur líka með nýju vinnuskipulagi og matreiðsluaðferðum.

Halldóra Arnardóttir ritstýrir bókinni en auk hennar skrifa frú Vigdís Finnbogadóttir, Katerina Rüedi Ray, Elísabet V. Ingvarsdóttir og Javier Sánchez Merina kafla í bókina. David Frutos er höfundur nýrra ljósmynda sem gefa útgáfunni sérstakt gildi.

Bókin er 248 bls.

Texti á íslensku og ensku.

Hið íslenska bókmenntafélag gefur bókina út.

Höfundur bókarinnar, Halldóra Arnardóttir listfræðingur heldur hádegisfyrirlestur í tilefni útgáfu bókarinnar Kristín Guðmundsdóttir Híbýlafræðingur / Interior Designer á fyrirlestrarsal Þjóðminjasafnsins við Suðurgötu, föstudaginn 21. ágúst, kl. 12:15 -13:00.

 

Enn hefur enginn viðrað skoðun sína á þessu málefni, þú getur hafið umræðuna?

Deilið athugasemd

Arkitektafélag Íslands / Aðalstræti 2. 2.hæð / 101 Reykjavík  / +354 780 2228  / ai@ai.is / Pósthólf 590 – 121 Reykjavík
Skrifstofa Arkitektafélags Íslands er opin mánudaga til föstudaga milli kl. 9:00 og 13:00