003_portrait_of_stefano_by_goswin-schwendinger-1.jpg.620x367_q85_cropÞriðjudaginn 25. ágúst kl. 12.10 heldur Stefano Rabolli Pansera erindið Beyond Entropy í fyrirlestraröð Hönnunar- og arkitektúrdeildar Listaháskóla Íslands, GESTAGANGI í Þverholti 11, fyrirlestrarsal A.

Stefano er stofnandi stofunnar Beyond Entropy í London sem starfar á mörkum lista, arkitektúrs og landfræðilegrar stjórnmálafræði og vinnur að þróun ýmissa verkefna, frá sýningarstjórnun til sýningarhönnunar, frá arkitektónískum íhlutunum til borgarskipulags, frá opinberri umræðu til útgáfu.

Beyond Entropy leggur áherslu á samstarf við opinber samtök, einkarekin fyrirtæki og ríkisstofnanir um allan heim.

Rannsóknarvinna stofunnar snýst í aðalatriðum um þrjú meginviðfagsnefni: óreiðu, form og orku. Beyond Entropy skoðar orku óháð hefðbundinni orðræðu um sjálfbærni og veltir upp spurningum um fyrirfram mótaðar hugmyndir í því skyni að koma fram með nýjar lausnir fyrir rýmið sem við lifum í – heimili okkar, borgir og landsvæði.

Orku má nota sem viðfangsefni til að hugsa upp nýjar arkitektónískar nálganir sem leiða í ljós að rými er ekki föst, mælanleg eining heldur tímabundin sameining síbreytilegra þátta.

Sefano er gestakennari námsbrautar í arkitektúr við Listaháskólann.

Fyrirlesturinn fer fram á ensku og eru allir velkomnir.
The lecture is in English and open to the public.

Sjá alla viðburði: Hönnun & arkitektur