Fjarvídd á ljóshraða

Fjarvídd á ljóshraða

skissa_illugi

Kennari: Illugi Eysteinsson 12. – 13. September, 2015 10.00 – 17.00
Verð: 20.000 ISK. (Skuldlausir félagsmenn Arkitektafélags íslands fá 10% afslátt)

Um námskeiðið

Námskeiðið er ætlað þeim sem hafa góðan grunn í teikningu en vilja dýpka og efla færni sína enn frekar, jafnvel fagfólki sem vill rifja upp og bæta aðferðir sem kunna að hafa gleymst eftir langvarandi tölvuvinnu.

Kennd er fjarvíddarteikning eftir ákveðnum og
einföldum skrefum með hraðskissum og tímasettum æfingum. Þátttakendur glíma við aðferðir til að teikna innréttingar og arkitektúr frá eins og tveggja punkta fjarvídd og tileinka sér skilmerkilegustu leiðir til að gefa til kynna rými á tvívíðum fleti.

Á námskeiðinu verður farið yfir aðferðir til að byggja upp fjarvídd í teikningu í lögum, frá grófum línum til fínni lína þannig að útkoman verði líflegar og sannfærandi myndir af byggingum, herbergjum, húsgögnum o.fl. Þá verður farið í axónómetrískar teikningar þar sem hlutum eða byggingum er velt til eftir ákveðnu sjónarhorni.

Í lok námskeiðs mun þátttakandi:

• vera fær í að kanna og tjá rýmishugtök

• hafa verkfæri til að setja hugmyndir sínar og hönnun í skýra mynd, t.d. fyrir samstarfsaðila eða viðskiptavini.

• hafa öðlast hæfni, hagnýta þekkingu og aukinn hraða í sjónrænum samskiptum
• þekkja mismuninn á rýmisskissu til samskipta eða útskýringar og listrænni teikningu • að geta útskýrt skissu t.d. fyrir samstarfsaðilum eða viðskiptavinum

• hæfni til að meta hvenær tilefni er til að notast við skissu og geta brugðist við hverskyns aðstæðum með því að nota myndefni.

Um leiðbeinandann

Illugi Eysteinsson er listamaður / arkitekt / kennari með Meistaragráðu í bæði arkitektúr og myndlist.

Hann er búsettur í London og hefur kennt verkstæði í fjarvíddarteikningu í ART academy, London Architecture and Architectural Drawing at Central Saint Martins School of Art and Design, Chelsea School of Art and Design, University MA Creativity og WK School of Art and Design Russia (London Branch). Nýlega kenndi hann tveggja vikna verkstæði fyrir nemendur í Satbayev Kazakh National Technical University (KazNTU) í Almaty, Kazakhstan.

Verk eftir Illuga má sjá á netslóðinni https://www.behance.net/illugieysteinsson

Hvað á að taka með sér

1. Skissubók, A-3
2. Tússpenna, Extra Fine og Medium

Dagskráin

Laugardagur f.h.:

Fjallað um rýmisteikningu, undirliggjandi rúmfræði og hlutföll á innréttingum, myndgreining og hraðskissur. Verk þátttakenda notuð í umræðu.

Laugardagur e.h.:

Einna punkta fjarvídd og hraðskissur. Þátttakendur nota rými myndlistaskólans og teikna út frá æfingum sem kynntar voru að morgninum. Verk þátttakenda notuð í umræðu.

Sunnudagur f.h.:

Tveggja punkta fjarvídd og hraðskissur. Verk þátttakenda notuð í umræðu.

Sunnudagur e.h.:

Tveggja punkta fjarvídd og hraðskissur. Þátttakendur nota rými myndlistaskólans og teikna út frá æfingum sem kynntar voru að morgninum. Verk þátttakenda notuð í umræðu.

 

Enn hefur enginn viðrað skoðun sína á þessu málefni, þú getur hafið umræðuna?

Deilið athugasemd

Arkitektafélag Íslands / Aðalstræti 2. 2.hæð / 101 Reykjavík  / +354 780 2228  / ai@ai.is / Pósthólf 590 – 121 Reykjavík
Skrifstofa Arkitektafélags Íslands er opin mánudaga til föstudaga milli kl. 9:00 og 13:00