Atvinnuvega- og nýsköpunarráðuneytið auglýsir eftir umsóknum um styrki úr verkefninu Átaki til atvinnusköpunar. Veittir eru styrkir til nýsköpunarverkefna og markaðsaðgerða starfandi frumkvöðla og nýsköpunarfyrirtækja.

Markmið verkefnis er að styðja við þróun nýsköpunarhugmynda á fyrri stigum sem hlotið gætu frekari fjármögnun sjóða og fjárfesta og að styðja við undirbúning og framkvæmd markaðsaðgerða í frumkvöðla- og sprotafyrirtækjum.

Styrkir geta að hámarki numið 50% af heildarkostnaði verkefnisins og ekki eru veittir styrkir til fjárfestinga s.s. tækjum og búnaði.

Sérstök áhersla er lögð á

  • Verkefni sem eru nýjung og skapa ný störf
  • Nýsköpun og/eða samstarfsverkefni sem byggir á hönnun
  • Nýsköpun sem á sér stað í klasasamstarfi
  • Verkefni sem eru að stíga fyrstu skref á alþjóðamarkaði

Umsóknarfrestur er til hádegis fimmtudaginn 8. september 2016

Frekari upplýsingar og rafræn eyðublöð má nálgast með því að smella hér. Einnig má senda beiðni um upplýsingar og aðstoð á netfangið hildur@nmi.is

nyskopunarmidstod-islands--nmi-nyskopunarmidstod-islands---nmi---isl---portret

(Sett á vef 18. ágúst 2016)