Arkitektafélag Íslands og Félag íslenskra landslagsarkitekta standa fyrir málþingi um ferðamannastaði 10. nóvembernæstkomandi. Á málþinginu verða ferðamannastaðir skoðaðir frá sjónarhorni m.a. hönnuða, fræðslufulltrúa, verkefnastjóra, leiðsögumanns, ferðamanns og bæjarstjóra.

Málþingið verður haldið í sal Íslenskrar erfðagreiningar, Sturlugötu 8, 101 Reykjavík og hefst klukkan 13:00 og lýkur um klukkan 17:00.

Þátttökugjald á málþingið er  7.000 kr og fer skráning fram á Tix.is

 

Dagskrá málþingsins verður eftirfarandi:

 

12:30  Húsið opnar

Fundarstjóri: Helga Hlín Guðlaugsdóttir, hönnuður

13:00 Aðalheiður Atladóttir, formaður AÍ, og Berglind Guðmundsdóttir, formaður FÍLA

13:05  Wieteke Nijkrake, arkitekt, og Jorrit Noordhuizen, landslagsarkitekt, fjalla um verkefni sem unnið var í samstarfið við Skaftárhrepp og Háskóla Íslands. Markmið verkefnisins var að þróa aðferðir við sjálfbæra nýtingu lands með áherslu á varðveislu og framþróun vistkerfa, hagkerfis og menningar bæði fyrir svæðið í dag og komandi kynslóðir. Erindið verður flutt á ensku.

13:50 Einar Ásgeir Sæmundsen, landslagsarkitekt og fræðslufulltrúi Þjóðgarðsins á Þingvöllum: Hönnun og skipulag í þjóðgarðinum á Þingvöllum.

14:10  Vilborg Halldórsdóttir, leiðsögumaður: Klósett og göngustígar. 

14:30 Örn Þór Halldórsson, arkitekt og verkefnastjóri hjá Sambandi íslenskra sveitarfélaga: Landsáætlun 

14:50 – 15:10  Kaffihlé

15:10  Þráinn Hauksson, landslagsarkitekt hjá Landslagi: Göngum lengra.

15:30  Róbert Ragnarsson, stjórnarformaður, Reykjanes UNESCO Geopark, samstarf sveitarfélaga og annarra hagaðila um stefnumótun og uppbyggingu ferðamannastaða.

15:50 Lemke Meijer, ferðamaður: Upplifun af ferðalögum um Ísland. Erindið verður flutt á ensku.

16:10  Dagur Eggertsson, arkitekt: Arkitektúr sem hvati

16:40 Hannes & Smári, frumkvöðlar.

17:00 Málþingsslit

malthing-mynd1