BHM er búið að gefa út fræðsludagskrá fyrir haustönn 2017. Allir almennir félagsmennn í BHM geta sótt þessi námskeið.

Samkvæmt fræðsludagskrá verða samtals 14 námskeið í boði, m.a. um efnahagsumhverfi kjarasamninga, vinnutengda streitu, fundarsköp, kynferðislega áreitni á vinnustað, undirbúning starfsloka og núvitund, svo fáein dæmi séu nefnd. Flest námskeiðanna eru opin almennum félagsmönnum án endurgjalds.

Opnað verður fyrir skráningu á vef BHM (sjá hér) kl. 12:00 á hádegi föstudaginn 1. september nk. Vinsamlegast athugið að fjöldi þátttakenda er yfirleitt takmarkaður og því gildir að fyrst koma – fyrst fá. Öll námskeiðin verða kennd í húsnæði BHM að Borgartúni 6 í Reykjavík, 3. hæð. Athugið að flestum námskeiðanna verður jafnframt streymt á streymissíðu BHM.

Sérstök athygli er vakin á námskeiði á ensku um réttindi á vinnumarkaði og sjóði BHM sem haldið verður 19. október og er sérstaklega sniðið að þörfum félagsmanna sem ekki hafa íslensku að móðurmáli. Vinsamlegast komið upplýsingum um þetta námskeið á framfæri við félagsmenn ykkar sem falla í þennan flokk, ef um þá er að ræða.

Einnig er vakin athygli á námskeiðinu „Að koma út á vinnumarkaðinn“ sem haldið verður 14. september og er sérstaklega ætlað yngri félagsmönnum, s.s. þeim sem eru að ljúka námi og stíga sín fyrstu skref á vinnumarkaði. Vinsamlegast komið upplýsingum um þetta námskeið á framfæri við félagsmenn ykkar sem falla í þennan flokk, ef um þá er að ræða.

Dagskráin er birt með fyrirvara um breytingar sem, ef út þær fer, verða kynntar hér á vefnum.