5cdd21c37b7ad1a9

Í tilefni af 75 ára afmæli T.ark arkiktekta og aldarminningu brunans mikla í Reykjavík stendur T.ark fyrir ráðstefnu um framtíð módernískra bygginga í borgarlandslaginu í Gamla bíói þann 19. nóvember næstkomandi frá kl. 9 – 16.

Tilgangur ráðstefnunnar er að opna umræðuna um arfleið byggingarlistar 20. aldar, jafnvel okkar alræmdustu húsa og vekja athygli á þeim tækifærum sem liggja á mörkum friðunar, verndunar og endurnýtingu þessara bygginga. Ráðstefnan stendur í einn dag og verður skipt í tvo hluta.
Fyrir hádegi verður áherslan á verndun módernískra bygginga en eftir hádegi verður sjónum beint að endurnýtingu og breytingum á þessum byggingum, en ekki síst þeim tækifærum sem liggja á mörkum á milli þessara hugtaka.

Fyrirlesarar verða bæði íslenskir og erlendir. Má þar nefna Pétur H. Ármannsson arkitekt, Halldór Eiríksson frá T.ark, Christophe Egret arkitekt frá Studio Egret West Í London, Peder Elgaard arkitekt frá Árósum og Brendan Mcfarlane arkitekt frá Jacob + Mcfarlane í París.

Aðgangur er ókeypis, en ráðstefnugestir eru beðnir um að skrá sig á www.tark.is

Nánar um fyrirlesara á heimasíðu T.ark arkitekta.
Afmaelisradstefna Tark Poster2