Arkitektafélag Íslands flytur skrifstofur sínar í Grósku, nýtt frumkvöðla- og sprotasetur Vísindagarða Háskóla Íslands í Vatnsmýrinni.

Arkitektafélag Íslands hefur skrifað undir leigusamning við Miðstöð hönnunar og arkitektúrs um aðsetur í Grósku. Arkitektafélagið mun flytja í haust með Miðstöð hönnunar og arkitektúrs, en skrifstofur Miðstöðvarinnar og AÍ munu vera á fyrstu hæð hússins í sambýli við Icelandic Startups, Ferðaklasann, Auðnu tæknitorg og Vísinda- og nýsköpunarsvið Háskóla Íslands.

Í húsinu eru höfuðstöðvar CCP og fjöldi öflugra fyrirtækja og fjárfestar. Þar er einnig aðstaða fyr­ir ýmsa þjón­ust­u­starf­semi og ráðstefn­ur, auk þess sem skapandi ein­yrkj­um og fyr­ir­tækj­um í ný­sköp­un, þróun og rann­sókn­um gefst kost­ur á að vera með aðstöðu í hús­inu

Stjórn og skrifstofa AÍ er gríðarlega spennt að flytja inn í Gróska með Miðstöðinni, en eins og áður segir býður Gróska upp á fjölbreytta aðstöðu, eins og ráðstefnusali, sem AÍ mun án efa vera duglegt að nýta sér.

Hönnun hússins er í höndum Andrúm arkitekta í samstarfi við DKPitt arkitekta.

Í setrinu viljum við byggja upp framúrskarandi samfélag frumkvöðla með áherslu á að tengja saman viðskipti, tækni og skapandi greinar. Nálægð við háskóla, Landspítala og mörg helstu nýsköpunarfyrirtæki landsins veitir einstakt tækifæri til tilrauna, þekkingarflæðis og verðmætasköpunar,“ segir Sigurður Magnús Garðarsson, stjórnarformaður Vísindagarða HÍ.

Ert þú frumkvöðull eða sproti og vantar aðstöðu? Búið er að opna fyrir umsóknir til að leigja borð og aðstöðu í húsinu. Á setrinu verður bæði hægt að leigja opin borð og stærri rými sem eru hugsuð fyrir lengra komin nýsköpunarfyrirtæki sem vinna í teymum. Innifalið í leigu er aðstaða í fundarherbergjum, setustofum og fyrirlestrarýmum setursins.