Málþingið Arkitektúr, líkami og skynjun: hönnun heilbrigðisstofnana og annarra mannvirkja með heilsu og vellíðan í huga fer fram fimmtudaginn 6. febrúar í Veröld-húsi Vigdísar kl 15:00 – 18:00.

Listaháskóli Íslands (LHÍ), Arkitektafélag Íslands (AÍ) og SARQ arkitektar standa fyrir málþingi um hönnun heilbrigðisstofnana og annarra mannvirkja með heilsu og vellíðan í huga. Auknar rannsóknir og aukin þekking hafa sýnt fram á gríðarlegt mikilvægi góðs arkitektúrs í hönnun mannvirkja fyrir heilbrigðisþjónustu. Ekki eingöngu getur góður arkitektúr sparað heilbrigðiskerfinu tíma og háar fjárhæðir heldur getur góður arkitektúr haft jákvæð áhrif á líf sjúklinga og líðan þeirra.

Frummælendur á málþinginu eru margverðlaunaðir arkitektar sem flestir hafa sérhæft sig í hönnun húsnæðis með heilsu og vellíðan í huga.

Fundarstjóri er Anna María Bogadóttir, arkitekt og lektor við LHÍ.

DAGSKRÁ

Sigrún Alba Sigurðardóttir forseti hönnunar- og arkitektúrdeildar opnar málþingið.

  • 15:00–15:20

Javier Sánchez Merina, arkitekt                                                                                                                                                      THERAPEUTIC ARCHITECTURE FOR AUTISM                                                                                                                                        Beyond physical accessibility  (fyrirlestur á ensku)

  • 15:20–15:40

Björn Guðbrandsson, arkitekt                                                                                                                                                        Hugmyndafræði + allskonar – Leiðin að Seltjörn

  • 15:40–16:00

Ögmundur Skarphéðinsson, arkitekt                                                                                                                                                        Hönnun nýs Landspítala – er eitthvað vit í þessu?

16:00–16:20 Hlé 

  • 16:20–16:40

Hrólfur Cela, arkitekt                                                                                                                                                                        Hjúkrunarheimilið á Höfn í Hornafirði – Lífsgæði og staðarandi

  • 16:40–17:00

Hrafnhildur Ólafsdóttir, arkitekt                                                                                                                                                                        2020: vangaveltur um heilsu og sjúkrahús

  • 17:30– 18:00
    Pallborðsumræður 

Halldóra Arnardóttir, listfræðingur; Björn Guðbrandsson, Ögmundur Skarphéðinsson, Hrólfur Cela og Hrafnhildur Ólafsdóttir.

Fyrir þá sem ekki sjá sér fært að mæta, verður málþinginu streymt  á live.lhi.is
Málþingið er styrkt af Öldrunarfræðifélagi Íslands og Vísindasjóði Minnismóttökunnar.

Viðburður á facebook