Gerðarsafn leitar að að framúrskarandi hönnuðum og arkitektum sem nýverið hafa útskrifast erlendis fyrir sýninguna Fylgið okkur sem opnar á HönnunarMars 2020.

Sýningin Fylgið okkur teflir fram völdum verkum frá nýjum og upprennandi hönnuðum. Sýningarstjóri er Sara Jónsdóttir.

Á sýningunni er sjónum beint að hönnuðum, sem nýsprottnir eru fram á sjónarsviðið en eiga það sammerkt að hafa með sínum fyrstu verkum vakið athygli og eftirvæntingu, hver á sínu sviði. Markmiðið er að halda árlega sýningu í Gerðarsafni á HönnunarMars þar sem ljósi er varpað á framúrskarandi verkefni ungra og nýútskrifaða hönnuði og arkitekta.

Leitað er eftir ábendingum um og /eða umsóknum frá framúrskarandi íslenskum hönnuðum og arkitektum, sem eiga það sameiginlegt að hafa nýverið lokið námi erlendis

– Verkefnið má vera náms- eða útskriftarverkefni á BA eða MA stigi, eða verkefni sem unnið er að námi loknu.

– Hönnuðurinn eða arkitektinn hefur lokið námi 2016 eða síðar.

– Öll svið hönnunar koma til greina: Arkitektúr, húsgagna- og innahússhönnun, vöru- og iðnhönnun, keramík, fatahönnun, textíll, skartgripahönnun, grafísk hönnun, upplifunarhönnun og landslagsarkitektúr.

Ábendingar óskast sendar á tölvupósti á Söru Jónsdóttur sýningarstjóra merkt Fylgið okkur á gerdarsafn@kopavogur.is fyrir 10. desember.

Eftirfarandi upplýsingar þurfa að koma fram:

  • Nafn hönnuðar/arkitekts
  • Fag
  • Skóli
  • Útskriftarár eða staða náms
  • Hlekkur á vefsíðu
  • netfang
  • símanúmer
  • Lýsing á verkefni/verkefnum
  • Verðlaun ef við á
  • Rökstuðningur – Hvað gerir verkefnið framúrskarandi?

Frekari upplýsingar