Listahátíð í Reykjavík kallar eftir hugmyndum frá listafólki að verkefnum á dagskrá hátíðarinnar, sem fram fer 6.-21. júní 2020.

Þemað að þessu sinni verður HEIMAR og er nokkurs konar systurþema hátíðarinnar 2018 sem var Heima. Þemað, sem er marglaga í einfaldleika sínum, er opið til túlkunar og kemur til með að eiga sér ótal birtingamyndir í dagskrá hátíðarinnar.

Listahátíð fagnar 50 ára afmæli sínu á næsta ári.  Því er viðeigandi að dagskrá hennar kallist að einhverju leyti á við heima mismunandi tíma og endurspegli eða vísi í sögu hátíðarinnar. Hátíðin 2020 verður þannig lifandi og vonandi ferskt samtal við fyrri hátíðir um leið og hún stígur af öryggi, en þó leitandi, inn í óljósa framtíð.

Listahátíð hefur frá upphafi verið gátt milli íslensks menningarlífs og annarra menningarheima. Á tímum vaxandi þjóðernishyggju, er mikilvægara en nokkru sinni að leyfa þessari gátt að standa galopinni um leið og horfst er í augu við krefjandi siðferðisspurningar um þau neikvæðu áhrif sem ferðalög og neysla eru að hafa á umhverfi okkar.

Heimarnir eru óteljandi. Listir, tækni og vísindi takast á og opna margslunginn, risavaxinn veruleika upp á gátt, svo ofboðslegan að við neyðumst til að minnka hann niður í litla heima. Heiminn minn, hvers og eins. Enginn heimur stendur þó stakur heldur er til í stöðugu samtali og togi við aðra heima; annan skilning – önnur lögmál.

—–

Öllu listafólki er frjálst að senda inn hugmyndir fyrir hátíðina og tekið er á móti hugmyndum á hvaða vinnslustigi sem er. Stærri og fjárfrekari verkefni þurfa þó að vera komin áleiðis með fjármögnun til þess að koma til álita.

Á Listahátíð er sérstök áhersla lögð á nýsköpun og verkefni þar sem ólíkar listgreinar skarast. Þá er leitað eftir fjölskylduvænum viðburðum, viðburðum sem fara fram utan höfuðborgarsvæðisins og verkefnum í almenningsrými sem teygja sig út fyrir hefðbundið umhverfi lista og/eða eru sérstaklega hugsuð fyrir þjóðfélagshópa sem alla jafna sækja ekki listviðburði.

Tillögur skulu sendar inn með því að fylla út rafrænt eyðublað sem má finna hér: https://listahatid.is/listahatid-2020

Skilafrestur er til miðnættis miðvikudagsins 6. maí 2019

Heimasíða Listahátíðar: www.listahatid.is

///////////////////////////////////////////////////////

“WORLDS” AT REYKJAVIK ARTS FESTIVAL 2020 – Open Call for Proposals

Reykjavik Arts Festival invites artists to submit proposals for the 2020 edition of the festival, taking place from 6th to 21st June 2020.

The theme this time, will be  “WORLDS“ (in Icelandic: HEIMAR), a sister theme to the 2018 edition‘s HOME (Icelandic: HEIMA).   The theme is multi-layered in its simplicity and is open to interpretation.

The festival celebrates its 50th anniversary next year. Therefore, it is only appropriate that worlds of different times will to some extent echo through its programming. The 2020 edition of the festival will thus be in a dynamic dialogue with its own history, at the same time as it takes a brave leap towards an unpredictable future.

From the beginning, Reykjavik Arts Festival has been a cultural gateway between Iceland and the rest of the world. In an era of growing nationalism it is now more important than ever to keep this gateway wide open while at the same time facing the demanding moral questions about the negative effects of travel and consumption on our environment.

We are surrounded by a myriad of worlds and endless possibilities. Arts, technology and science, in constant flux, open up a complex reality for us, so overwhelming that we are forced to reduce it to smaller worlds: My world. But no world is disconnected from others. They coexist in a constant responsive state to other worlds – to other perspectives and principles.

—-

All artists are welcome to submit proposals for the festival. Proposals may be of any scale, but larger scale projects will need to have some funding secured to be taken into consideration.

Reykjavik Arts Festival puts special focus on new work and the creative intersection of the arts. Family friendly events, events outside of the Reykavík area and in public spaces is especially welcomed as well as participatory events and work which reaches outside of the traditional sphere of arts or to groups which do not attend arts events on a regular basis.

All proposals need to be submitted via our online form which is to be found here: https://listahatid.is/en/reykjavik-arts-festival-2020/

Deadline is at midnight 6th May 2019

For more information on the festival please visit our website: www.artfest.is