Úrslit samkeppnanna um Stjórnarráðsreitinn og viðbyggingar við Stjórnarráðshúsið liggja nú fyrir og fer verðlaunaafhending vegna þeirra fram í Safnahúsinu 3. desember. Arkitektafélagið og Framkvæmdasýsla ríkisins standa síðan fyrir rýnifundum um samkeppninnar þriðjudaginn 4. desember. Rýnifundirnir fara fram í Safnahúsinu við Hverfisgötu.

Þriðjudagur 4. desember

  • kl. 15.00-Hugmyndasamkeppni um Stjórnarráðsreitinn.
  • kl. 17.00-Framkvæmdasamkeppni um viðbyggingu við Stjórnarráðshúsið.

Tilurð samkeppnanna er þessi. Í október 2016 samþykkti Alþingi ályktun um það meðal annars að fela ríkisstjórninni að efna til samkeppna um hönnun viðbyggingar við Stjórnarráðshúsið og skipulag Stjórnarráðsreits. Þingsályktunin var samþykkt í tilefni aldarafmælis sjálfstæðis og fullveldis Íslands árið 2018.

Framkvæmdasýsla ríkisins hefur haft umsjón með samkeppnunum fyrir hönd forsætisráðuneytisins. Báðar samkeppnirnar eru unnar í samvinnu við Arkitektafélag Íslands en hugmyndasamkeppnin um skipulag Stjórnarráðsreits er einnig unnin í samvinnu við Félag íslenskra landslagsarkitekta. Alls bárust þrjátíu tillögur um hönnun viðbyggingar við Stjórnarráðshúsið og átta tillögur í hugmyndasamkeppni um skipulag Stjórnarráðsreits.