OPNUN Í PORTI LISTASAFNS REYKJAVÍKUR, HAFNARHÚSI, KL. 13:00 LAUGARDAGINN 26.MARS

Í porti Hafnarhússins verður íslensk/danska arkitektastofan KRADS með innsetningu þar sem spilað er með rými portsins um leið og gestum gefst kostur á að skyggnast inn í heim farand-vinnustofunnar PLAYTIME.  Vinnustofuna þróuðu KRADS í samvinnu við danska leikfangaframleiðandann LEGO, en í henni er sköpunargleðinni gefin laus taumur í blöndu af leik og krefjandi hindrunum.  Legókubbarnir, gamlir æskuvinir, ýta undir leikgleðina um leið og þeir eru ákveðinn rammi fyrir nemendurna til að vinna innan.  Sem staðlað byggingarkerfi skapa kubbarnir krefjandi hindranir sem eini miðillinn sem nemendur meiga nota til að miðla hugmyndum sínum – um leið og þeir eru vel til þess fallnir að byggja upp á fljótan hátt form og rými, prófa mismunandi hugmyndir, brjóta niður og byggja upp á nýjan leik.

Vinnustofan hefur verið haldin með nemendum í arkítektúr á Íslandi, í Danmörku og er hún á næstunni á leið sinni til fleiri landa.