radhusreykjavik_dennis_gilbert
(2. júní 2014 – frá framkvæmdastjóra)
Miðvikudaginn 21. maí kl. 09:13 árið 2014, var haldinn 68. fundur umhverfis- og skipulagsráðs Reykjavíkur og þar samþykkt samhljóða tillaga umhverfis- og skipulagsráðs um fagrýnihóp nýbygginga á lykilsvæðum, fagrýnihópur nýbygginga.

„Lögð fram tillaga umhverfis- og skipulagssviðs dags. í 14. maí 2014 um að stofna hóp faglegra álitsgjafa undir stjórn byggingarfulltrúans í Reykjavík til þess að rýna og gefa umsagnir um hönnun helstu  nýbygginga auk áhrifa þeirra á nærumhverfið á hverfisverndarsvæðinu innan  Snorrabrautar/ Hringbrautar. Einnig skal fjalla um mikilvægar nýbyggingar á lykilstöðum annarsstaðar í borginni. Í faghópnum séu auk byggingarfulltrúa tveir fulltrúar frá Arkitektafélagi Íslands og einn fulltrúi frá Félagi íslenskra landslagsarkitekta. Auk þess verði skipulagsfulltrúi og skrifstofustjóri skrifstofu skipulags, bygginga og borgarhönnunar ráðgjafi hópsins.

Faghópurinn skal gefa umsögn um listræna ásýnd og gæði bygginga og lóða sem verði hluti af umfjöllun um byggingarleyfi. Álitsgjafar verði skipaðir til þriggja og fjögurra mánaða í senn. Hópurinn komi að jafnaði saman vikulega svo framarlega sem tilefni gefst til. Byggingarfulltrúi mótar í framhaldi af samþykkt þessari starfsreglur hópsins í samvinnu við AÍ og FÍLA. Jafnfram skal skipað í hóp álitsgjafa eins fljótt og auðið er.
Byggingarfulltrúi getur auk ofangreinds kallað saman faghópinn ef þörf krefur.
Fyrirkomulag og árangur vinnunnar verði metið og endurskoðað að ári liðnu.˝
Hugmyndin hafði áður verið rædd við stjórn AÍ sem lýsti sig fúsa til samstarfs um málið.