Auglýst er eftir áhugasömum og frumlegum hugmyndasmiðum til þess að fylla inn í viðburðalandslag Menningarnætur 2016 en veittir verða styrkir á bilinu 50.000-250.000 kr. til einstaklinga og hópa.

Í ár verður áhersla lögð á að styrkja viðburði sem tengjast Grandasvæðinu við Gömlu höfnina með einhverjum hætti. Tengingin er þó ekki skilyrði fyrir styrkveitingu og er tekið vel á móti öllum umsóknum.

Umsóknarfrestur í Menningarnætupottinn er til og með 31. maí á vefnum menningarnott.is

Menningarnæturpotturinn er samstarfsverkefni Höfuðborgarstofu og Landsbankans sem verið hefur máttarstólpi hátíðarinnar frá upphafi. Rennur allur fjárstuðningur bankans til listamanna sem koma fram á Menningarnótt.

Nánari upplýsingar um styrki hátíðarinnar veitir verkefnastjóri viðburða á Höfuðborgarstofu, Guðmundur Birgir Halldórsson í síma 590-1500 eða á gudmundur@visitreykjavik.is 

 

menningarnott